Atyraý oblysynyń Maqat aýdanynda «Rýhanı jańǵyrý» jobasynyń óńirlik kishi keńsesi ashyldy.
Keńse basshysy Á.Qarjaýova munda Elbasy baǵdarlamasynyń júzege asýyn uıymdastyrý jumystary júrgiziletinin aıtady. Aýdandyq balalar kitaphanasynda ornalasqan keńse ınternet júıesimen, qajetti tehnıkalyq quraldarmen qamtylǵan. Mádenıet, bilim berý, kásipkerlik, sport bólimderiniń mamandary, úkimettik emes uıymdardyń, jastar uıymdarynyń ókilderi ózara kúsh biriktire otyryp, jumys jasaýdy qolǵa alyp otyr.
«Rýhanı jańǵyrý» baǵdarlamasy aıasynda Maqat aýdanynda ótken jyly «Atameken» saıabaǵy men «Adaı ata» tas joly salynyp, el ıgiligine berildi, erkin kúresten T.Qusaıynov atyndaǵy respýblıkalyq týrnır ótti. Al bıyl mamyr aıynda «Jeńis» saıabaǵy ashylady. Josparlanǵan basqa da mádenı-kópshilik, sporttyq sharalardyń qatary kóp.
Baqytgúl BABASh, «Egemen Qazaqstan»