Atyraý oblysynyń sýarý júıesi tolyǵymen paıdalanylýy tıis. Bul úshin barlyq júıeni jańartý qajet. Mahambet aýdanynda ótken keńeste aımaq ekonomıkasynyń mańyzdy taqyryby talqylandy, dep habarlaıdy Atyraý oblystyq О́ńirlik kommýnıkasııalar qyzmeti.
«Kazsýshar» RMK Atyraý fılıalynyń basshysy Aslanbek Rysjanovtyń málimdeýinshe, Atyraý oblysynyń sýarý júıesiniń aýmaǵy - 1152 km.(Mahambet, Inder, Qurmanǵazy, Isataı aýdandarynda). Búginde tórt sý arnasy aımaqtyń kommýnaldyq menshigine berilgen. Al 11 sý arnasy respýblıkalyq menshikke tıesili. Osy jylda on sý arnasy jergilikti basqarmaǵa ótetin bolady. Qujattar daıyndalýda. Olardyń biri, strategııalyq mańyzdy bolǵandyqtan, tıisti mınıstrliktermen kelissózder júrgizilýde.
2017 jyly sýarmaly jáne deformasııalanǵan jer ýchaskelerine 12 mıllıon tekshe metrden astam, jaıylymdyq jerge 2 mıllıon tekshe metrden astam sý berildi. Bul salanyń basty məselesi, kóptegen sý arnalary bitelgen jəne tozǵan. Olardy jónge keltirý mıllıardtaǵan salymdy talap etip otyr.
Atyraý oblysynyń ákimi Nurlan Noǵaev atap ótkendeı, jergilikti atqarýshy organdar qarjylandyrýdy óz moınyna alyp otyr.
- Məseleni keshendi túrde sheshý qajet. Bərine məlim, Atyraý oblysyndda sý tapshy. Ər tamshy sýdyń suraýy bar. Sondyqtan, barlyq jumys istep turǵan sý arnalaryn shalǵaıdaǵy eldi mekenderge sý berý úshin paıdalaný qajet. Bul egis alańyn ulǵaıtýǵa, mal sharýashylyǵyna jańa serpin beredi.
Sarapshylardyń málimetine súıensek, sýarý júıeleriniń qýatyn arttyrý jobasyn júzege asyrý úshin shamamen 2 mlrd teńge qajet. Aımaq basshysy bul qarajatty bólý qajet degen sheshimge keldi.
- Iá, ərıne shyǵyndar bolady, biraq biz alǵa qaraı umtylýymyz kerek. Agroónerkásiptik keshenderdi damytýǵa qoldaý kórsetý qajet, árdaıym sýbsıdııalar qajet. Statıstıka boıynsha aýyl sharýashylyq kásiporyndary sanynnyń qysqarǵany baıqalady. Bul tikeleı aýdanǵa sýdyń qansha kólemde berilýine baılanysty, - dep atap ótti Nurlan Noǵaev. - Memleket basshysy bizdiń aldymyzǵa ekonomıkany ártaraptandyrý jáne agroónerkásip salasyn damytý mindetin qoıyp otyr. Biz osy baǵyttaǵy osal tustardy anyqtap, olardy tez arada qalpyna keltirý kerek.