Qyzylorda oblysynda 50-den astam óndiris iske qosylsa, onyń 16-sy – iri kásiporyn. Bul týraly halyqqa esep berý kezdesýinde oblys ákimi Q.Kósherbaev málimdedi.
«Memleket basshysy aıqyndap bergen jáne 2013 jyldan bastap biz aldymyzǵa qoıǵan basty mindet – bul ekonomıkany ındýstrııalandyrý arqyly ártaraptandyrý bolyp tabylady. О́nerkásip óndirisiniń shamamen 70 paıyzy munaı men ýran óndirýdiń úlesinde ekenin, bul rette, keıbir munaı uńǵymalarynan shyqqan shıkizattyń qazirdiń ózinde 98 paıyzy sýlanǵanyn eskersek, biz úshin bul – birden-bir jol»,- dedi aımaq basshysy.
Oblys 2017 jyly bir ǵana kórsetkish boıynsha, ásirese, munaı óndirýde oń vektorǵa qol jetkize almaýyna sebep bolǵan osy faktor - ónerkásip óndirisiniń kólemi. О́ńirdiń damý qarqynyn kórsetetin barlyq basqa makrokórsetkishter boıynsha oń dınamıkaǵa qol jetkizdi.
«Sońǵy bes jylda atqarǵan jumystar nátıjesinde munaı men ýran baǵasyna táýelsiz aımaqtyq ekonomıka qura aldyq dep tolyǵymen aıta alamyz.Osy bes jyl ishinde oblysymyzda 50-den astam ónerkásip nysan iske qosylsa, onyń 16-sy - iri jáne orta kásiporyn. Nátıjesinde, óńdeýshi sektorda osy kezeń ishinde óndirilgen ónim kólemi 65 paıyzǵa artsa, shıkizattyq emes sektordyń eksport kólemi tek sońǵy jyldyń ózinde 60 paıyzǵa artty»,- dep atap ótti oblys ákimi.
Búgin, 2018 jyldyń 14 aqpan kúni, N. Bekejanov atyndaǵy oblystyq drama teatrynda oblys ákimi Q.Kósherbaevtyń halyq aldynda esep berý kezdesýi bolyp ótti. Kezdesýge QR Prezıdent Ákimshiliginiń ókili N.Tleshov,QR Premer-Mınıstri Keńsesiniń ókili-S.Qızat,QR Ishki ister mınıstri-Q.Qasymov,«Nur Otan» partııasynyń hatshysy- Ǵ.Ábdirahymov, sondaı-aq, jergilikti atqarýshy organdardyń basshylary, 264 eldi mekenniń ókilderi jáne saıası partııalar men qozǵalystar, úkimettik emes uıymdar, qoǵamdyq keńes, sondaı-aq, eńbek ujymdary men buqaralyq aqparat quraldarynyń ókilderi qatysty.
Esepti kezdesýdiń tikeleı translıasııasy «Facebook» jáne «Youtube» jelilerindegi «Qyzylorda oblysynyń ákimdigi» resmı paraqshalary arqyly taratyldy