17 aqpanda elordada jyl saıyn ótetin «Qys órnegi» shańǵy festıvali bastaý alady. Dástúrli shańǵy jarysyna 2000-nan astam adam qatysady dep habarlaıdy Astana ákimdiginiń resmı saıty.
«Qys órnegi» shańǵy festıvali aıasynda qatysýshylarshańǵy jarysy, shaǵyn fýtbol, hokkeı, beldesý, armrestlıng, gir kóterý, arqan tartý, jáne motokross syndy sporttyń birneshe túrinen ár túrli jas sanatynda kúsh synasatyn bolady. Sporttyq jarysqa 12 jastaǵy jasóspirimder men 60 jastan asqan azamattar qatysa alady.
«Dástúrli «Qys órnegi» festıvali elordamyzdyń sporttyq ómirinde aıshyqty oqıǵa bolyp sanalady. Ol otbasymen, ujymmen taza aýada qysqy demalys uıymdastyrýǵa úlken múmkindik beredi.Festıval qatysýshylary Astananyń Trıatlon saıabaǵynda saǵat 10:00-den bastap tirkelýi tıis», - delingen habarlamada.
Sporttyq sharanyń saltanatty ashylý rásimi saǵat 11:00-ge belgilendi.