Bul týraly búgin halyqqa esep berý jıynynda Atyraý qalasynyń ákimi Serik Shapkenov aıtty. KTS qurylysy jobasy oblys ortalyǵynyń sol jaq bóliginiń káriz sýyn tazartý problemasyn sheshedi. KTS aldaǵy jyly paıdalanýǵa beriledi, -dep habarlaıdy Atyraý oblystyq óńirlik kommýnıkasııalar qyzmeti.
Joba quny 10,1 mlrd.tenge. Qalanyń sol jaq bóligindegi káriz sýyn tazartý qurylǵylary kesheni Atyraý qalasynyń ońtústik, ońtústik-shyǵys bóliginde ornalasady. Bir aıta keterligi, ol qoldanysqa engizilgennen keıin turǵyndardyń birneshe jyldar boıy shaǵymdaryn týǵyzyp kelgen «Sasyq saı» jabylady. Keshende bas káriz stansııasy, tazartylmaǵan sýdyń qurastyrmaly kollektory, káriz sýyn tazartý qurylǵysy alańy, býlaný alańy men bıologııalyq toǵan alańy bolady.
Qurylys ótken jyldyń aıaǵynda bastaldy. Qazir biraz bóligi salyndy: óndiristik, turmystyq ǵımarattar blogy, kólikjaı, aýaótkizgish stansııa, jylý qazandyǵy, hlorlaǵysh, balshyq sorǵysh stansııa, drenaj sorǵysh stansııa, temirbeton qorshaý, ótkel jol. Tik josparlaý ishinara aıaqtaldy. Kúsh sorǵy stansııasy, drenaj sorǵy stansııasy, qabatty, aınalma drenaj, ótkel, temirbeton qorshaý, kirmejol naqty shyǵaryldy. Keshen qýaty táýligine 70 000 kýb metr sý. Paıdalanylǵan sýdy tazartý kezeń kezeńmen mehanıkalyq jáne bıologııalyq ádispen júrgiziledi.
-2016 jyly aımaq basshysy Atyraý qalasynyń sol jaq bóliginde káriz sýyn tazartý qondyrǵylary problemasyn sheshýdi tapsyrdy-dedi Serik Shapkenov.-Qurylys 1978 jyly salynǵan, sodan beri kúrdeli jóndeý bolmaǵan. Aǵyn sý býlaný alańyna jetpes buryn tazartýdyń tolyq satysynan ótpeıdi. Bul turǵyndardyń narazylyǵyn týdyrdy, eger tótenshe jaǵdaı bolsa, túgel qala las sýdyń astynda qalar edi. Qazir osy problemany sheship jatyrmyz, qalanyń oń jaq bóliginde KTS qurylysynyń JSQ jasalyp jatyr.
Aıta keteıik, 2016 jyly 4 qarashada Atyraý oblysynyń ákimi Nurlan Noǵaev selektorlyq jınalysta káriz sýlarynyń sý tartý júıesiniń jaǵdaıyn jaılap áreket etetin «bombaǵa» teńep edi. Aımaq basshysy qala bıligine bul problemany barlyq resýrstardy iske qosyp, sheshýdi tapsyrdy.