Baıqońyrdy damytý maqsatynda Qazaqstan men Reseıdiń arasynda qalany uzaq merzimdi damytýdyń birlesken baǵdarlamasy jasaldy, onyń sheńberinde qalanyń tirshilik etý ortalyqtarynyń jaı-kúıin jaqsartý jáne turǵyn úı qurylysyn salý jumystary bastaldy. Bul týraly Qyzylorda oblysynyń ákimi Qyrymbek Kósherbaevtyń halyq aldynda esep berý kezdesýinde aıtyldy.
Odan bólek, kelissózderdiń nátıjesinde 2017 jyly Reseı Federasııasynyń jaldaýynan shaǵyn jáne orta kásipkerlikti damytý úshin 11,6 myń gektar jer qaıtarylyp alynǵan. Qazir Reseı tarapymen jaldaýdan 3,4 myń gektar jerdi alýǵa kelissózder júrgizilip jatyr.
Baıqońyr qalasyn gazdandyrý, 5 kóppáterli turǵyn úı qurylysy, aýyz sýmen jabdyqtaý jáne jalpy sý júıesin jańǵyrtý jumystary bastaldy.
Sóz sońynda Qyrymbek Kósherbaev, «Elbasy N.Á.Nazarbaev óz Joldaýynda barlyq salalarda ozyq aqparattyq-tehnologııalardy qarqyndy túrde engizý mindetin qoıǵan bolatyn»,- dep atap ótti.
«Búginde memlekettiń de, bıznestiń de barlyq resýrstary damýdyń strategııalyq maqsattaryna jeteleýi qajet. Qyzylorda oblysy «Qazaqstannyń aýqymdy damýyna», óziniń barlyq tabıǵı jáne adamı resýrstarymen eldiń ekonomıkalyq damýy men halyqtyń ómir sapasynyń artýyna da atsalysýy kerek», - dedi oblys ákimi.