«Astana» - «Sportıng» arasyndaǵy matchtyń aldynda bas bapkerler baspasóz máslıhaty ótti.
- Erteńgi oıyn bizdiń komanda úshin óte mańyzdy bolmaq. Birikken Arab Ámirlikterinde oqý-jattyǵý jıyndaryn ótkizip, biraz ter tóktik. Endi sol daıyndyǵymyzdy erteń kórsete alsaq bolar edi. Kezdesýdiń favorıti «Sportıng» ekeni anyq. Degenmen, qarsylasty syılaǵanymyzben, odan esh qoryqpaımyz.
- Komandadan Srdjan Grohovastyń ketip qalǵanyn qalaı túsindiresiz?
- Árıne, ondaı fýtbolshyny joǵaltý ońaı emes. Bizdiń komandanyń oıynyn jaqsy túsine biletin fýtbolshy edi. Alaıda, Qazaqstanda ózderińiz biletindeı legıonerlerdi shekteý zańy bar. Sonyń saldarynan Srdjanmen qoshtasýǵa májbúr boldyq. Ujymǵa alatyn 8 legıonerdiń ishinde oǵan oryn tabylmady.
- Kabananga ketkennen keıin komandańyzdyń negizgi shabýylshysy kim bolady?
- Árıne, Kabananganyń ketkeni ońaı tıgen joq. Ol eýrododalarda tájirıbıesi bar, paıdaly fýtbolshy edi. Endi onyń ornyn Djordje Despotovıch basady. Bapkerler shtaby men fýtbolshylar oǵan senim artyp otyr. Ol bolmasa bizde Shetkın men Murtazaev bar. Kez-kelgeni ortalyq shabýylshynyń rólin somdaı alady.
- Marın Tomasov oqý-jattyǵý jıyndarynda jaqsy oınady. Ásirese oń qaptaldy. Keıinnen Siz ony sol qaptalǵa qoıdyńyz. Naqty sheshim qabyldaı almaı júrsiz be?
- Patrık Tvýması oń qaptalda jaqsy oınaıdy. Eýrokýbokterde solaı boldy. Bárińiz kórdińizder. Eger oń qaptalda Patrıktiń oıyny júrmeı jatsa, match barysynda ekeýiniń qaptalyn aýystyryp kóremiz. Tomasov oń qaptalda táýir oınaıdy eken dep, eki qaptalymnan aıyrylyp qalatyn jaıym joq. Patrık oń jaqta, Tomasov sol jaqta júretin bolady.
Erkebulan Jomart