Astanada Premer-mınıstrdiń orynbasary Asqar Jumaǵalıevtiń, mınıstr Dáýren Abaevtyń qatysýymen Aqparat jáne kommýnıkasııalar mınıstrliginiń keńeıtilgen alqa májilisi ótip jatyr.
Jıynda mınıstrliktiń 2017 jylǵy atqarǵan jumystary men bıylǵy josparlary tanystyryldy.
"2017 jyl aqparat jáne kommýnıkasııalar mınıstrligi úshin túrli jańalyqqa toly boldy. Memleket basshysy bizdiń aldymyzǵa qoıǵan barlyq tapsyrmany júzege asyrýǵa kiristik. Bir jyldyń ishinde jospardaǵy sharýalardy tolyq atqardyq degen oıdamyn. Olardyń arasynda aqparat salasy, baılanys, aqparattandyrý men memlekettik qyzmet baǵyttary bar. Sonymen qatar aqparat jáne kommýnıkasııa boıynsha zań jobasyna túzetýler engizildi. Eń bastysy bıyl "Sıfrlyq Qazaqstan" memlekettik baǵdarlamasy qabyldandy", degen mınıstr mınıstrlik atynan Prezıdent ákimshiligi men Parlament májilisiniń, Úkimettiń ókilderine, vedomstvolyq uıymdar men azamattyq sektorǵa alǵys aıtty.
Odan bólek, memlekettik aqparattyq jumysyn júzege asyratyn jańa júıe biryńǵaı medıa-jospardyń qabyldanǵanyn, osynyń arqasynda maqsatty aýdıtorııanyń suranystaryna nazar aýdarylǵanyn atap ótti.
Aıa О́MIRTAI,
"Egemen Qazaqstan"