Memlekettik qyzmetterdi ońtaılandyrý, olardy elektrondy formatqa kóshirýdi damyta túsý maqsatynda jurtshylyqqa yńǵaıly birqatar jobalar iske asyrylýda.
Endigide jas analarǵa halyqqa qyzmet kórsetý ortalyqtaryna barýdyń qajeti joq, barlyǵy avtomatızasııa arqyly iske asady. Bul týraly QR Aqparat jáne kommýnıkasııalar mınıstrliginiń keńeıtilgen alqa májilisinde Premer-Mınıstrdiń orynbasary Asqar Jumaǵalıev málim etti.
«Bala týýǵa baılanysty kórsetiletin memlekettik qyzmetterdi úıden shyqpaı-aq rásimdeı berýge bolady. Sondyqtan mobıldi úkimet suraqtaryn úılestirý men memlekettik uıymdardyń derekqory úshin kompozıttik jáne proaktıvti qyzmetterdi biriktirýdi júrgizý qajet. Bul rette bizde ishki qor bar. Barlyq tehnıkalyq jáne normatıvtik suraqtardy mobıldi úkimet pen memlekettik qyzmetter arqyly retteýdi suraımyn», deıdi Premer-Mınıstrdiń orynbasary Asqar Jumaǵalıev.
Odan bólek, halyqqa qyzmet kórsetý ortalyqtaryndaǵy kezekti azaıtý maqsatynda birqatar sheshimder qabyldanǵanyna toqtalǵan ol, avtokólikterdi rásimdeýge qatysty qujat jumystaryn ınternet arqyly retteýge bolatynyn atady. «Iаǵnı, siz ınternet arqyly tapsyrys berip, qajetti qujatty «Qazposhta» arqyly ala alasyz. Bul qadam kólik júrgizýshilerine unaıdy degen senimdemin», - deıdi Asqar Jumaǵalıev.
Aıa О́mirtaı,
Sýretke túsirgen Erlan Omarov,
«Egemen Qazaqstan»