Bul týraly oblys ákimi Bolat Baqaýov ákimderdiń jyl saıynǵy turǵyndarmen esebi kezinde málim etti.
Bul bastama oblystyq máslıhattyń depýtattarymen, Qoǵamdyq keńes jáne ekologtarmen birge sheshimin tapqan. dandy. Negizgi maqsat -óńirdiń ekologııalyq jaǵdaıyn jaqsartý. Endi bıyldan bastap qorshaǵan ortany qorǵaý jóninde jobalar qolǵa alynady. О́ńirde shoǵyrlanǵan alyp óndiris oryndary, elektr stansalary, kómir kenishteri, kóptegen shaǵyn zaýyttar, kásiporyndar jumys jasaýda. Kásiporyndar aýany tazartatyn arnaıy elektrli aýa tazartqyshtaryn ornatý qajetilikiteri de únemi aıtylady.
Bolat Baqaýovtyń aıtýynsha, qorshaǵan orta - óńirimizdegi mańyzdy másele. Turaqty túrde saraptama júrgizý maqsatynda áleýmettik zertteý júrgizildi. Kópshilikti ekologııa máselesi tolǵandyrady. Endi oblys ortalyǵynyń turǵyndary atmosferalyq aýanyń qandaı ekendigin kúndelikti kórip bile alady. Arnaıy led-ekrandar Q. Sátbaev-Krıvenko, Estaı-Kýtýzov, Q. Sátbaev-Toraıǵyrov kósheleri jáne temir jol vokzalynda ornalasqan.
- Biz qala syrtyn, aýlalardy, jol boıyn jasyldandyrý jáne olardy saqtaý boıynsha naqty josparlar qurdyq. Ertis ózeni jaǵalaýy da oblys turǵyndarynyń demalatyn jer. Ár adam sońyna qoqys qaldyrmasa jáne qorshaǵan ortaǵa beı-jaı qaramasa, osynyń ózi ekologııanyń jaqsarýyna qosqan úlken úles, - dedi oblys ákimi.
Farıda Byqaı,
«Egemen Qazaqstan»
Pavlodar