Bıyl Sosıalıstik Eńbek Eri Márzııa Ibragımova júz jasqa tolyp otyr.
1918 jyly dúnıe esigin ashyp, 1948 jyly nebári otyz jasynda qant qyzylshasynan rekordty ónim alyp Eńbek Eri atanǵan keıýananyń ómir joly ónegege toly. Balalyq, jastyq shaǵy asharshylyq, qýǵyn-súrgin, soǵys zulmattaryna tap kelse de Márzııa Ibragımova óziniń bir ǵasyrlyq belesine abyroımen aıaq basty. Eki ul, úsh qyz tárbıelep ósirip, búginde nemere-shóbere súıip otyrǵan baqytty áje.
Dańqty jerlesimizdi ǵasyr toıymen Jambyl oblysynyń ákimi Asqar Myrzahmetov úıine arnaıy quttyqtap baryp, syı-sııapat kórsetti. Ákim qart dıqannyń eńbektegi erligin, ónegeli ómirin árbir qazaq balasy ózine úlgi tutatynyn jetkizdi. Ańyz adam arnaıy quttyqtap kelgen ákimge aq batasyn berip, rızashylyǵyn bildirdi. Árdaıym elimizdiń tynyshtyǵyna, birligi men tatýlyǵyna shúkirshilik etetinin jetkizdi.
Hamıt Esaman,
«Egemen Qazaqstan»
Jambyl oblysy