15 aqpan kúni Túrik jáne Ońtústikkoreıalyq kompanııalar Qazaqstanda Úlken Almaty aınalma jolyn salý týraly konsessııalyq kelisimge qol qoıdy, dep habarlaıdy Anadoly agenttigi.
Túrik fırmalary - Makyol Construction jáne Alsim Alarko, sondaı-aq Ońtústik Koreıalyq kompanııalar, koreıalyq SK jáne Koreıa Expressway korporasııasy ÚAAAJ jobasyn iske qosý týraly kelisimge qol qoıdy, dep málimdedi QR Ońtústik Koreıadaǵy Elshiliginiń ınvestısııalar jónindegi arnaıy keńesshisi Oljas Raev.
Raevtyń aıtýynsha, jol qurylysy osy jyly bastalady.
Onyń aıtýynsha, joldyń uzyndyǵy 66 km (41 mıl) bolady jáne Almaty qalasynyń ońtústik-shyǵysyndaǵy Qarasaı, Ile jáne Talǵar aýdandarynan ótedi.
Budan basqa, jol boıynda jeti qıylysý jáne 13 jol ótkeliniń qurylysy josparlanyp otyr.
ÚAAAJ – elimizdegi eń úlken jobalardyń biri, ári bul Almaty qalasyndaǵy jol keptelisin azaıtýǵa baǵyttalǵan biregeı joba bolyp otyr.
Qazaqstan Respýblıkasy Investısııa jáne Damý mınıstrliginiń habarlaýy boıynsha, quny 150 mıllıard teńge ($467,9 mıllıon) bolatyn jobany túrik jáne koreı ınvestorlary júzege asyrady.