Parlament Senaty Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «Teńiz keme qatynasy qaýipsizdigine qarsy baǵyttalǵan zańsyz is-árekettermen kúres týraly konvensııaǵa 2005 jylǵy hattamany ratıfıkasııalaý týraly»»zań jobasy talqylandy.
Teńiz keme qatynasy qaýipsizdigine qarsy baǵyttalǵan zańsyz is-árekettermen kúres týraly 1988 jylǵy negizgi konvensııany Qazaqstan 2003 jyly ratıfısııalaǵan bolatyn.
2005 jyly qazanda Londonda Halyqaralyq teńiz uıymynyń zańsyz is-árekettermen kúres týraly sharttardy qaıta qaraý jónindegi konferensııasynda Teńiz keme qatynasy qaýipsizdigine qarsy baǵyttalǵan zańsyz is-árekettermen kúres týraly konvensııaǵa hattamaǵa qol qoıyldy.
Hattama teńiz kemelerine terrorlyq shabýyldardyń jıileýine baılanysty halyqaralyq terror aktileriniń aldyn alý jáne boldyrmaý úshin halyqaralyq qoǵamdastyqtyń kúsh-jigerin kúsheıtýge shaqyrady.
Qujat Konvensııaǵa halyqaralyq teńizdegi keme qatynasynda halyqaralyq terror aktilerin boldyrmaýǵa jáne odan qorǵalýyna qatysty, sondaı-aq Konvensııanyń tıimdiligin arttyrýǵa baǵyttalǵan ózgerister men tolyqtyrýlardy engizýdi kózdeıdi.
Odan basqa qujatta laýazymdy jáne zańdy tulǵalardyń qylmystyq, ákimshilik, azamattyq-quqyqtyq jaýapkershiligi, sondaı-aq qatysýshylardyń aqparatty berý salasyndaǵy tyǵyz yntymaqtastyǵyn retteý týraly erejeler bar.
Zań jobasy Palatanyń qaraýyna jiberildi.