2018 jyldyń 28 aqpanynda saǵat 10:00-de «Astana» konsert zalynda (burynǵy Kongress-holl) qala ákimi Áset Isekeshevtiń elorda halqy aldyndaǵy dástúrli eseptik kezdesýi ótedi, dep habarlaıdy qala ákimdiginiń resmı saıty.
Shara Astana qalasy ákimdiginiń Facebook áleýmettik jelisindegi resmı akkaýntynda onlaın-rejımde kórsetiletin bolady. Eseptik kezdesý barysynda áleýmettik jeliniń paıdalanýshylary da ákimge óz suraqtaryn qoıa alady.
Qala turǵyndaryna yńǵaıly bolý úshin L.N.Gýmılev atyndaǵy Eýrazııa ulttyq ýnıversıteti (Q.Muńaıtpasov k-si, 5) men S.Seıfýllın atyndaǵy Qazaq agrotehnıkalyq ýnıversıtetiniń (Jeńis d-ly, 62) ǵımarattarynda eseptik kezdesýden tikeleı translıasııa uıymdastyrylatyn bolady. Mundaǵy azamattar tikeleı qosylý arqyly ákimge óz suraqtaryn qoıa alady.
Budan bólek, «Astana» konsert zalynyń foıesinde qala ákiminiń orynbasarlary, basqarma jáne elorda qyzmetteriniń basshylary azamattardy qabyldap, olarǵa qajetti keńes beretin bolady. Hatshylar alqasy saǵat 8:30-dan 17:00-ge deıin jumys isteıdi.