Elbasy N.Nazarbaevtyń halyqqa arnaǵan Joldaýy elimizdiń aǵymdaǵy jáne taıaý jyldardaǵy maqsat-muratyn saralap mindetterin aıqyndaıtyn ár jyldyń eń basty saıası qujaty.
«Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty kezekti Joldaýynda Prezıdent júzege asýy tıis 10 negizgi mindetti atap kórsetti. Mindetter asa kúrdeli, meılinshe ózekti. Kez kelgen qoǵamnyń ómir súrýi men damý úderisiniń eń negizgi qozǵaýshy kúshi, ol sol qoǵamnyń azamattary, ıaǵnı adamı kapıtaly. Sondyqtan da Prezıdent Joldaýdyń 7-mindetin «Adamı kapıtal – jańǵyrý negizi» dep atap, bilim berý salasyndaǵy atqarylýy tıis sharalarǵa toqtaldy.
Bizdiń paıymdaýymyzsha, kópten beri aıtylyp kele jatqan muǵalimniń mártebesin kóterý jáne onyń jalaqysy mólsherin 30%-dan 50% -ǵa deıin ulǵaıtý týraly sheshim, Elbasynyń mıllıondaǵan ustazdar men olardyń shákirtterine jasaǵan qamqorlyǵy, qoldaýy. О́ıtkeni ustaz-bilim, tárbıe berý úderisindegi eń basty tulǵa. Sondyqtan da ol bar bolmysymen – bilimimen, moraldyq keskin-kelbetimen, tipti kıim kıisi, júris-turysymen de shákirtterine úlgi bolýy tıis. Sonda ǵana ol qoǵamnyń, eń bastysy shákirtteriniń qurmet-qoshemetine bólenedi. Mundaı ustazdardyń jumysy da jemisti bolady. Attary ańyzǵa aınalǵan qazaqtyń qaharman ul-qyzdary Talǵat pen Baýyrjan, Álııa men Mánshúk, kúmis kómeı ánshilerimiz Roza men Bıbigúl, taǵy da basqa kóptegen memleket, qoǵam qaıratkerleri sol ustazdar eńbekteriniń jemisi.
Joldaýdaǵy 10 mindetti júzege asyrýǵa árbir qazaqstandyq, tereń bilimdi, joǵary bilikti jáne óz Otanyn janyndaı súıetin patrıot mamandar erekshe atsalysýy tıis. Sondyqtan da Prezıdent orta jáne joǵary bilim beretin oqý oryndarynyń jumysyn zamanaýı talaptarǵa saı etý máselelerine, pedagogtardyń biliktiligin kóterý, pedagogıkalyq kafedralar men dekanattardyń jumysyn jetildire túsý, sondaı-aq matematıka men jaratylystaný ǵylymdaryn oqytý sapasyn kóterý qajettiligin atap ótti.
Jumys berýshilerdi tarta otyryp, ótken jyly bastalǵan barshaǵa tegin kásiptik-tehnıkalyq bilim berý baǵdarlamasyn halyqaralyq jáne sıfrly talaptarǵa sáıkestendire jańartyp jalǵastyra berý kerek. Osylaısha memleket jastarǵa alǵashqy mamandyq alýǵa múmkindik jasaıdy. Bul degenimiz elimizdegi tapshylyqqa aınalǵan tehnıkalyq kadrlar máselesin sheshýdiń eń tóte joly bolmaq.
Konstıtýsııamyzda aıshyqtap jazylǵandaı qazaq tili – memlekettik til. Ol qazaq halqynyń tarıhyn, mádenıetin, salt-dástúrleri men ádet-ǵuryptaryn meńgerýdiń altyn kilti. Sondyqtan da Prezıdenttiń halyqaralyq qoldanystaǵy termınderdi qazaq tiline tárjimeleýde meılinshe abaı bolyp, tildi orynsyz kúrdelendirmeýge shaqyrýyn tolyǵymen quptaımyz. Aıta ketý kerek, halyqaralyq termınder ejelden, sonaý antıkalyq dáýirden bastaý alyp, ǵasyrlar boıynda qalyptasyp kelgen. Prezıdent óz Joldaýynda «qazaqstandyqtardyń bolashaǵy – qazaq, orys jáne aǵylshyn tilderin erkin meńgerýinde» ekenin atap kórsetti. Sonda ǵana naǵyz azamattyq qoǵam ornap el azamattary birtutas ultqa aınalady.
Joldaýda aıshyqtalǵan mindetter aýqymdy, ári kúrdeli. Olardy júzege asyrýdy uıymdastyryp, úılestirip otyrýda atqarýshy jáne ókiletti organdardyń róli arta túsýi tıis. Bul oraıda óńirimizde bilim berý salasyndaǵy túıtkildi máseleler, ásirese apatty, úsh aýysymdy mektepter problemalary jiti nazarǵa alynyp otyr. Atalǵan máselelerdiń de sheshiletin kúni alys emes. Sonymen Joldaý jarııalanyp, 10 mańyzdy mindet kún tártibine qoıyldy. Barshamyz bolyp aıanbaı eńbek etsek, olardy da oıdaǵydaı etip eńseremiz.
Sattar QÝAShBAI, Ońtústik Qazaqstan oblystyq máslıhatynyń depýtaty
Shymkent