«Áziret Sultan» memlekettik tarıhı-mádenı qoryq-mýzeıinde Elbasy Nursultan Nazarbaevtyń bıylǵy «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty halyqqa Joldaýyn talqylaýǵa arnalǵan jıyn ótti.
Basqosýda mýzeı basshysy Nurbolat Ahmetjanov Joldaýda kórsetilgen el damýynyń basym baǵyttary men mindetterine toqtaldy. «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýynda Prezıdent aqparattyq-tehnologııalyq sheshimderdi engizý qajettigin basa aıtqan bolatyn. Sıfrlandyrý – zaman talaby. Qazirgi tańda sıfrly tehnologııasyz jetistikke jetken kásiporyndy elestetý múmkin emes.
Damýdyń 10 baǵytyn aıqyndaǵan Elbasy Joldaýy – jańa maqsattarǵa jeteleıtin eń basty qujat bolyp tabylady. Sondyqtan mýzeı ujymyn Elbasy Joldaýyn halyq arasynda nasıhattaý jumystaryna, negizgi basymdyqtarynyń joǵary deńgeıde júzege asyrylýyna belsendi atsalysýǵa shaqyramyn», dedi mýzeı dırektory Nurbolat Qadyruly.
Jıyndy qorytyndylaǵan N.Ahmetjanov Joldaýdaǵy basty mindetterdiń biri jańa tehnologııalardy bizdiń elimizdiń barlyq ekonomıkalyq salasyna, sonyń ishinde mádenıet salasyna da engizý kózdelgenin məlimdeı kele, «Əziret Sultan» memlekettik tarıhı-mədenı qoryq-mýzeıi ujymy da Joldaýdan týyndaıtyn mindetterdi júzege asyrýǵa atsalysatynyn jetkizdi.
«Egemen-aqparat»