Búgin QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysynda 2018 jyldyń sý tasqyny kezeńine daıyndyq týraly QR energetıka mınıstri Qanat Bozymbaev baıandady.
О́z baıandamasynda Qanat Bozymbaev jedel gıdrometeorologııalyq aqparatpen qamtamasyz etý úshin «Qazgıdromet» RMK 310 gıdrologııalyq beketti, 339 meteorologııalyq stansııalar men beketti, sondaı-aq eki qar kóshkini stansııasyn qamtıtyn memlekettik baqylaý jelisinde baqylaý júrgizetinin aıtyp ótti.
Sý obektilerinde shuǵyl ózgeris týyndaǵan jaǵdaıda barlyq gıdrologııalyq beketter ár tórt saǵat saıynǵy jıiletilgen baqylaýǵa aýysady.
Budan ózge, apatty gıdrologııalyq qubylystar týyndaǵan jaǵdaılarda QR IIM Tótenshe jaǵdaılar komıtetine, QR AShM Sý resýrstary komıtetine jáne jergilikti atqarýshy organdarǵa eskertýdi jetkizý shemasy jumys isteıdi.
Úlken, boljamdardyń esepterinde esepke alynbaǵan qar qory bar jyralardaǵy ylǵaldylyq qoryn anyqtaý úshin «Qazgıdromet» fılıaldary jáne aımaqtyq tótenshe jaǵdaılar departamenti mamandarymen birlesip negizgi jazyq ózenderdiń barlyq alaptarynda qar-batpaqta júrgishpen ekspedısııalyq marshrýttyq aınalymdar júrgiziledi.
«Qazgıdromettiń» sý tasqyny kezeńindegi negizgi gıdrologııalyq boljamdary múddeli memlekettik organdar men oblys ákimdikterine 2018 jyldyń 1 naýryzynan bastap apta saıyn ár úsh kún saıynǵy naqtylaýmen jeti kún aldyn ala usynylatyn bolady», — dep habarlady Qanat Bozymbaev.
Sondaı-aq, energetıka mınıstri «Sý tasqyny qaterleriniń aldyn alý jáne joıý jónindegi 2017-2020 jyldarǵa arnalǵan sharalar kesheni» jol kartasy sheńberinde jumys júrgizilip jatqanyn aıtty.
2017 jyldaǵy jáne 2018 jylǵy 1 aqpandaǵy jaı-kúı boıynsha ózender alaptaryndaǵy ylǵal qorynyń jınalýy týraly anyqtamalyq-konsýltasııalar múddeli memlekettik organdarǵa ýaqytyly jiberildi.
«Jalpy jınalǵan ylǵal qoryn taldaý, topyraq tońdanýynyń tereńdigi jáne sý qoımalarynyń 70-90%-ǵa tolýy kórsetkendeı, birden kóktem shyqqan jaǵdaıda Qaraǵandy, Soltústik Qazaqstan jáne Aqmola oblystaryndaǵy eldi mekenderdi, ınfraqurylym nysandaryn sý basý qaýpi bolýy múmkin», — dep málimdedi Qanat Bozymbaev.
Energetıka mınıstri baıandamasyn aıaqtaǵan soń QR Premer-Mınıstri Baqytjan Saǵyntaev Qanat Bozymbaevqa jergilikti organdardyń sý tasqyny qaýpiniń aldyn alý boıynsha birqatar qajetti sharalardy qabyldamaýyna sebep bolýy múmkin Qazgıdromet boljamdarynyń ýaqyttylylyǵyn qamtamasyz etý boıynsha suraq qoıdy.
«Boljam jasaý júıesi ózgerdi. Eger buryn úsh aı alǵa gıdrologııalyq boljam jasasaq, endi 1 naýryzdan bastap jańa júıe – jeti kúndik aldyn ala boljamǵa kóshemiz. Onyń yqtımaldyǵy – 90%-dan asady. Ár úsh kún saıyn túzetý jasalady. Iаǵnı barlyq memlekettik organdar klımattyq jáne basqa da ózgerister týraly aqparatty úlken yqtımaldylyqpen alyp otyrady», — dep jaýap berdi Qanat Bozymbaev.
Sondaı-aq, onyń aıtýynsha, boljam jasaý kezinde jańa tásilder qoldanylady: matematıkalyq úlgiler, radarlardyń kómegimen zertteýler.
«Bizdiń qyzmetter úshin aıta almaımyn, biraq “Qazgıdromet” oryndalý yqtımaldyǵy 90%-dan asatyn boljamdardy beretini naqty», — dep túıindedi Qanat Bozymbaev.