Búgin Parlament Májilisiniń tóraǵasy Nurlan Nyǵmatýlın Fransııanyń Qazaqstandaǵy Tótenshe jáne ókiletti elshisi Fılıpp Martıneni qabyldady. Bul týraly parlam.kz habarlady.
Taraptar ekijaqty qarym-qatynasty nyǵaıtýdyń ózekti suraqtaryn talqylady.
N. Nyǵmatýlın atap ótkendeı, Fransııamen jan-jaqty jáne ózara tıimdi baılanysty nyǵaıtý Qazaqstannyń syrtqy saıasatyndaǵy basym baǵyttardyń biri. О́tken jyly eki el arasynda dıplomatııalyq baılanystyń ornaǵanyna 25 jyl tolsa, bıylǵy jyly Qazaqstan men Fransııa arasynda strategııalyq áriptestik týraly Shartqa qol qoıylǵanyna 10 jyl tolyp otyr. Osy ýaqyt ishinde senimdi saıası únqatysýmen qatar, túrli baǵyttarda ózara is-qımyl tabysty damyp keledi.
Májilis Tóraǵasy Eýroodaq bizdiń elimizdiń mańyzdy syrtqy saıası jáne iri saýda áriptesi ekenin alǵa tarta kelip, aldaǵy ýaqytta elderimiz Qazaqstan men atalǵan odaq arasyndaǵy keńeıtilgen áriptestik jáne yntymaqtastyq týraly Kelisimniń áleýetin tolyqqandy paıdalana alatyndyǵyna senim bildirdi.
Elbasy belgilep bergen 10 basym baǵytty júzege asyrý aıasynda Palata Spıkeri fransııalyq áriptesterdiń ınnovasııalyq tehnologııalar, sıfrlandyrý salasyn zańnamalyq qamtamasyz etý tájirıbesiniń qyzyǵýshylyq týdyratynyn atap ótti.
О́z kezeginde elshi Qazaqstan men Fransııa tek saıası, strategııalyq qana emes, ekonomıkalyq mańyzdy áriptester ekenin sóz etip, bolashaqta ekijaqty jáne kópqyrly, sondaı-aq parlamentaralyq yqpaldastyqty jan-jaqty nyǵaıtýǵa yntaly ekenin jetkizdi.
Sonymen birge, taraptar yntymaqtastyq jónindegi toptar qyzmetiniń belsendiligin arttyra otyryp, turaqty kezdesýler men is-saparlar almasý arqyly parlamentaralyq is-qımyldy odan ári damytatyn bolady.