Elbasynyń talabyna sáıkes, bul jumysta asyǵystyqqa jol berilmeıdi.
Pedagog mamandarmen aqyldasyp, talqylap, usynys-pikirlerin jınap alǵan soń, jańa álipbıdi engizýdiń daıyndyǵyna kirisip, eń tıimdi joly aıqyndalatyn bolady. Jospar boıynsha, aldymen pedagogtardyń ózin daıyndap, 0-shi synyptan bastap engizemiz. Oǵan eki jyl qajet. Jan-jaqty aqyldasyp, qarastyra otyryp, sosyn grafıkaǵa aprobasııa jasap, jańa álipbıdi daıyndaımyz. Odan keıin saraptamadan ótkizemiz. Sosyn muǵalimdermen, mektep basshylarymen, sarapshylarmen keńinen talqylaýymyz qajet. Sóıtip naqty bir kesteni qabyldap, latyn grafıkasyn asyqpaı engizýimiz kerek.
Árıne asyǵystyqqa jol berilmeýge tıis. Alaıda bir ret bastap ketkennen keıin toqtaýǵa bolmaıdy, latynǵa tolyǵymen kóshýimiz kerek. Sondyqtan qazirden bastap barlyq máselelerdi eskergen jón. О́z basym jańa nusqa tıimdi dep sanaımyn. Jańa álipbımen jazylatyn oqýlyqtarǵa naqty qansha ýaqyt kerektigin dál qazir kesip aıtý qıyn. Bul el bolashaǵyn aıqyndaıtyn mańyzdy másele bolǵandyqtan, baıyppen atqarǵanymyz jón dep oılaımyn.
Erlan SAǴADIEV, Bilim jáne ǵylym mınıstri