Endi Almatyda qart adamdardy qoldaýǵa baǵyttalǵan karta qabyldanbaq. Bul týraly Almaty qalasynyń ákimi Baýyrjan Baıbek esep berý jıynynda aıtty.
Qazir qala turǵyndarynyń 12 paıyzy – 60-tan asyp tur. Egde jastaǵylardy qoldaýǵa baǵyttalǵan baǵdarlama negizinen densaýlyq, ómir sapasyn arttyrý, barlyq qyzmetterdiń qoljetimdiligin qamtıdy. Búginde almatylyqtardyń ortasha ómir súrý uzaqtyǵy respýblıka boıynsha birinshi orynda – 74,3 jas.
Eseptik kezdesýde Baýyrjan Baıbek Elbasynyń tapsyrmasyna sáıkes qala jastaryn qoldaý baǵytynda 2020 jylǵa deıingi jol kartasy qabyldanǵanyn aıtty. Byltyrdyń ózinde osy baǵytta 4 mlrd teńge jumsalǵan. «Qazir Almaty turǵyndarynyń shamamen jartysy – jastar. Olardyń orta jasy 33,5 jas. 200 myń jýyq stýdent bilim alady. Bunyń artyqshylyǵymen qatar qıynshylyqtary da bar. Respýblıka boıynsha jastar jumyssyzdyǵynyń eń joǵarǵy kórsetkishi – 6,5 paıyz. Bul kórsetkish Almatyǵa tıesili. «Almaty jastaryn qoldaý - 2020» jol kartasy qabyldandy. Byltyr 4 mlrd teńge bólindi. «Almaty jastary» baǵdarlamasy aıasynda aldyn ala úı qunynyń 5 paıyzyn ǵana tólep, nesıe alý múmkindigine ıe boldy. 6 myń adam ótinish bildirdi. Baldyq júıemen 100 ótinish qabyldandy. Suranystyń kóptigine baılanysty bıyl da bul baǵdarlama óz jalǵasyn tabady. Byltyr 1 mlrd teńge bólinse, bıyl 2 mlrd teńge qarastyrylǵan», – dedi.
Aınash ESALI,
«Egemen Qazaqstan»