Astanada «Endi eshqashan: Asharshylyq, Holokost, Kambodja, Qojaly, Rýanda» taqyrybynda fotokórme ótti. Kórmeni Ázerbaıjan Respýblıkasynyń Qazaqstandaǵy Elshiligi men Túrki mádenıeti men murasy qory birlesip uıymdastyrdy.
Kórme Túrki akademııasy halyqaralyq uıymy (TWESCO), Bilim jáne ǵylym mınıstrliginiń Memlekettik tarıhy ınstıtýty men Izraldiń Qazaqstandaǵy elshiliginiń qoldaýymen ótti. Ázerbaıjan elshiliginde ótken jıynda Qazaqstanda tirkelgen dıplomatııalyq korpýs ókilderi men memleket jáne qoǵam qaıratkerleri qatysty.
Kórmeniń ashylý saltanatynda Ázerbaıjannyń Qazaqstandaǵy elshisi Rashad Mammadov, Túrki mádenıeti men murasy qorynyń prezıdenti Gúnaı Efendıeva, Memleket tarıhy ınstıtýty dırektorynyń orynbasary Amangeldi Qashqymbaev pen Astana qalasynyń bas ravvıni Shmýel Karnaýh sóz sóılep, adamzat tarıhyndaǵy jantúrshigerlik jaǵdaılardyń endi qaıtalanbaýyn tiledi.
Kórmede joǵaryda atalǵan qandy oqıǵalardyń sırek kezdesetin tarıhı fotolary usynylyp, Qojaly genosıdine arnalǵan ánniń tusaýy kesildi.