Qazaqstandyq mánerlep syrǵanaýshy Elızabet Tursynbaeva ońtústikkoreıalyq Phenchhanda ótip jatqan Olımpıada-2018 oıyndarynda jalpy esepte 12-shi boldy, - dep habarlaıdy Vesti.kz.
Erkin baǵdarlamada Tursynbaeva 118.30 upaı jınady, al qysqasha baǵdarlamanyń upaıy 57, 95 upaı edi. Eki baǵdarlamanyń nátıjelerin qosqanda ol 177, 12 upaı jınady.
Olımpıada chempıony - reseılik 15 jastaǵy Alına Zagıtova (239.57 upaı). Kúmis medal - taǵy bir reseılik qyz Evgenııa Medvedeva - 238,26 upaı. Qola medal - Keıtlın Osmond - 231,02.
Eske salaıyq, taǵy bir qazaqstandyq mánerlep syrǵanaýshy Aıza Mambekova qysqa baǵdarlamada 30-oryndy ıelenip, erkin baǵdarlamaǵa joldamany ala almady. 18 jastaǵy eki qazaqstandyq sportshy qyz da Olımpıada oıyndarynda birinshi ret óner kórsetti. Eske salaıyq, 2017 jyly sáýirde Tursynbaeva álem chempıonatynda toǵyzynshy oryndy ıelenip, Qazaqstan tarıhynda tuńǵysh ret Olımpıada oıyndaryna eki joldama jeńip alǵan edi.