Qazaqstandyq shańǵyshy Alekseı Poltoranınniń jattyqtyrýshysy estonııalyq Matı Alaver mańyzdy málimdeme jasady. Bul týraly caravan.kz habarlady.
Sportshy Phenchhanda ótip jatqan qysqy Olımpıadada 50 shaqyrymdyq marafonda baǵyn synamaq.
«Mańyzdy bir málimdeme jasaǵym kep tur. Bárimiz bilemiz, qazir Phenchhanda Olımpıada oıyndary ótip jatyr. Bul sportshylar úshin tórt jylda bir keletin esep túri desem bolady. Olımpıada – «Pıonerskaıa pravda» nemese «Pıonerskaıa zorka» jarysy emes. Munda sportshylardyń bári úzdik ekenderin dáleldeýge tyrysady, boıyndaǵy bar kúshin kórsetedi. Alekseı Poltoranın de solardyń biri. Maǵan HOK-tyń burynǵy prezıdenti Hýan-Antonıo Samaranchanyń «Athletes is first» degen sózi unaıdy. Iаǵnı sportta sportshy eń basty ról atqarady. Biraq onyń óner kórsetýine basy-qasynda júrgender jaýapty bolýy kerek. Iаǵnı eń basty jaýapty adam – bapkeri», dedi estonııalyq maman.
Osy tusta Matı Alaver shákirti medal almasa osy maýsymda alǵan jalaqysyn qaıtaryp beretinin aıtty.
«Eger Alekseı Poltoranın senbi kúni medal almasa osy maýsymda alǵan jalaqymnyń bir tıynyn qaldyrmaı qaıtaryp beremin. Osy arqyly ózge bapkerlerge úlgi bolamyn dep oılaımyn», dedi Matı Alaver.