«Mıgrant» operasııasy kezinde zań buzǵan 1000 sheteldik elden shyǵaryldy, 7 myń sheteldik ákimshilik jaýapqa tartyldy, dep habarlaıdy Egemen.
IIM zańsyz kóshi-qonǵa qarsy is-qımylǵa jáne zańsyz mıgranttardy anyqtaýǵa baǵyttalǵan «Mıgrant» jedel-profılaktıkalyq is-sharasynyń qorytyndysyn shyǵardy. Úsh kún ishinde polısııanyń mobıldik toby elimizge kelý tártibin buzǵan 7 myń sheteldikti anyqtap, ákmishilik jaýapkershilikke tartty.
Sot sheshimi boıynsha 1000 sheteldik elden shyǵarylyp, 700 adam qabyldaý-bólý oryndaryna ákelindi. Sheteldik jumys kúshterin tartý jáne paıdalaný erejesin buzǵan 269 jumys berýshi jaýapkershilikke tartyldy. - Kóshi-qon, krımnınaldyq jáne ákimshilik polısııa qyzmetkerleriniń jumysy nátıjesinde kóshi-qon zańyn buzǵan úshin sotqa deıingi tergeýdiń biryńǵaı tizilimine 78 qylmystyq quqyq buzýshylyq tirkeldi, dep atap ótti IIM Kóshi-qon qyzmeti komıtetiniń tóraǵasy Murat Qabdenov. – Izdeýde bolǵan 14 qylmysker ustaldy, onyń ishinde 4-ýi TMD azamaty.
Kóshi-qon zańnamasyn buzǵany úshin barlyǵy 3 myńnan astam sheteldiktiń elimizde ýaqytsha bolý merzimi qysqartyldy.