Aqtóbe oblysynda Elbasynyń «Rýhanı jańǵyrý» baǵdarlamasy aıasyndaǵy «Baqytty bala» aýqymdy jobasy balalardyń tolyqqandy damýy úshin barlyq jaǵdaılardy jasaýǵa baǵyttalyp otyr.
Merekelik sharaǵa óńir basshysy B.Saparbaev qatysty.
- Barlyq balalar baqytty bolýy kerek. Qazaqstannyń Táýelsizdik jyldarynda Elbasynyń basshylyǵymen bul baǵytta úlken jumystar atqaryldy. Biz, eresekter balalarymyzdyń júzderinen kúlki ketpeıtin sátterdi, densaýlyǵyn saqtaýǵa, sportty, mádenıetti, ónerdi ıgerýge, laıyqty bilim alýǵa múmkindik beretin barlyq jaǵdaılardy jasaýǵa mindettimiz. Sondyqtan 2018 jyly Aqtóbe oblysynda «Bala jyly» dep jarııalandy, - dedi oblys ákimi.
- Árbir bala nazardan tys qalmaýdy, tárbıe alýdy jáne qamqorlyqty qajet etedi. Osy jobamen biz barlyq eldi mekenderdi qamtıtyn bolamyz, bizdiń aımaǵymyzdyń birde-bir balasy nazardan tys qalmaýy tıis», - dedi oblys basshysy.
«Nur Aqtóbe» turǵyn úı keshenindegi úıden balalar úıiniń 3 túlegine páter kiltterin tabys etken oblys ákimi «Birinshi kezekte, bıliktiń barlyq qoldaýy múgedek balalarǵa jáne ata-anasynyń qamqorlyǵynsyz qalǵan balalardy qoldaýǵa baǵyttalatyn bolady», - dep atap ótti Berdibek Saparbaev
Áserli sátterdiń alǵashqy kýágeri Alǵa balalar úıiniń túlegi Larısa Zaharova páter ıeleriniń biri boldy.
- «Men óte baqyttymyn. Osy sátti biz 10 jyldan astam kúttik. Memlekettiń qıyn ómirlik jaǵdaıǵa tap bolǵan adamdar týraly umytpaǵany qýantady», - dep alǵan áserimen bólisti.
Merekelik is-shara 19 jetim balanyń turǵyn úı qurylys jınaq júıesi arqyly birinshi jarnasyna qolma-qol aqsha salý kýálikteriniń tusaýkeserimen jalǵasty. Bul páterlerge jergilikti kásipkerler men eńbek ujymdary qarjy salyp, kómektesedi. Aqtóbede turǵyn úıge muqtaj 372 bala bar, olardyń 258-ne demeýshilik kómek kórsetý bekitildi.
Is-shara merekelik konsertpen jáne aspanǵa áýe sharlaryn ushyrýmen aıaqtaldy.
«Baqytty bala» jobasy 8 bloktan turady. Ony júzege asyrýǵa IýNISEF, BUUDB, qaıyrymdylyq qorlary, halyqaralyq qoǵamdyq uıymdary, sondaı-aq Qazaqstan Respýblıkasynyń Bilim jáne ǵylym mınıstrligi qoldaý kórsetedi.
Joba sheńberinde barlyq balabaqshalar men mektepterdi ınteraktıvti jabdyqpen jabdyqtaý josparlanyp otyr. Oblystyq perınataldy ortalyq, balalar stomatologııalyq klınıkasy, múmkindigi shekteýli balalarǵa arnalǵan saýyqtyrý ortalyǵy, jyl boıy oqý-jattyǵý lagerleri, sondaı-aq 160 balalar men 100 sport alańdary jáne taǵy basqa kóptegen bilim berý jáne densaýlyq saqtaý nysandary salynady.
Ata-anasynyń qamqorlyǵynsyz qalǵan balalardy jan-jaqty qoldaýǵa erekshe nazar aýdarylatyn bolady. 77 bala demeýshiler kómegimen memlekettik turǵyn úı qory esebinen baspanaǵa ıe bolady. Balalar úıiniń taǵy 200 tárbıelenýshisi ShOB sýbektilerinen jáne memlekettik organdardan qajetti kómek alady.