Jyl saıyn mektep bitirer kezde UBT-ǵa qatyspaıtyn óńir túlekteri alys jáne jaqyn shetelderge oqýǵa attanady. Byltyr 11-synypty bitiretin óńirdegi 3738 oqýshynyń 2676-sy nemese 71,5 paıyzy testileýge qatysqan.
Negizi, UBT-ny tek qana elimizdiń joǵary oqý oryndaryna túskisi keletin túlekter ǵana tapsyrýǵa mindetti delindi. Ákimdik otyrysynda aýdan-qala ákimderine mektep túlekterin UBT-ǵa qatystyrý kerektigi únemi eskertiledi. Mysaly, Ýspen aýdanynda byltyr mektep bitirgen túlekterdiń 52 paıyzy ǵana UBT-ǵa qatysqan. Aýdan Reseımen shekaralas, sondyqtan, mektep bitirýshiler sol jaqqa jol tartatyn kórinedi. Bıyl óńirdiń bilim berý salasyna bólingen qarajat 61,6 mlrd teńgeni quraıdy. Mektepterde keń jolaqty ınternet jyldamdyǵyn arttyrýǵa 184,4 mıllıon teńge qarjy bólingen. Oblystyq bıýdjetten 129,2 mıllıon teńgege kompıýterlik tehnıka satyp alý josparlanýda.
Bıyl oblys ákimi Bolat Baqaýovtyń sheshimimen jergilikti joǵary oqý oryndarynda oqyp, stýdent atanǵysy keletin túlekterge 200 grant bólindi. Mektep túlekterin UBT-ǵa qatysýǵa yntalandyrý úshin granttar 65- pedagogıkalyq, 100 medısınalyq jáne 35-i ınjenerlik-tehnıkalyq mamandyqtarǵa arnalǵan. Oblystyq bilim basqarmasynyń málimetinshe, qazir bul maqsat úshin basqarma tarapynan jumystar júrgiziýlde. Grant taǵaıyndaý konkýrsynda áleýmettik jaǵdaıy tómen jáne arnaıy toptaǵy jastar, aýyl mektepterin bitrigender, múmkindigi shekteýli jastardyń da múddesi eskerilgen. Qazir basqarmada óńirdegi balabaqshalarǵa baratyn balalardy qabyldaýdy jedel túrde júzege asyrý, 1-synypqa keletin oqýshylardy elektrondy júıe boıynsha tirkeý, Biryńǵaı aqparattyq júıe, Sıfrly bilim berý kontentin engizý sııaqty jańashyldyqtar júrgizilýde. Sonymen birge, memlekettik qyzmet barysyndaǵy jumystardaǵy jedeldik, Jańartylǵan Ulttyq bilim berý málimetter bazasyn jasaý, ustazdardyń bos orny T-hunter mamandandyrylǵan júıesi, Smart – mektep, zamanaýı elektrondy Teacher office, jedel aqparattyq júıe jáne ákimshilik-sharýashylyq qyzmetti josparlaý sııaqty 10 joba iske asyrylady.
Nátıjesinde, ata-analar Onlaın rejıminde ótinishterin joldap, balalarynyń oqý úlgerimin baqylaı alady. Muǵalimderge árbir sanat úshin memleket tarapynan eńbekaqyny arttyrý retinde qarjylandyrý qarastyrylýda. Sanatqa laıyq bolý úshin atestattaýdan ótkizý barysynda portfolııa túrinde tom-tom qaǵaz jınaıtyn.
Endi jańashyldyq tehnıka nátıjesinde ustazdar jeke kýáliginiń kóshirmesi men ótinish berse jetkilikti. Aqparatty Ulttyq málimetter bilim berý bazasynan alady. Qaǵazbastylyqtan aryltady. Ulttyq bilim berý málimetter bazasynda árbir mektep boıynsha derekter qory jınastyrylady. Josparlanǵan jobalardy tıisti tehnıkalyq jabdyqtarsyz júzege asyrý da múmkin emes.
Farıda Byqaı,
«Egemen Qazaqstan»
Pavlodar