Qazaqstan-Túrikmenstan yqpaldastyqtyǵyn arttyrýǵa múmkindik mol

«Biz eki el arasyndaǵy saý­da-ekonomıkalyq qatynasty odan ári tereńdetýge úlken mán berýdemiz», dep atap ótti A.Mamın. Ol «2017 jyly sáýir­de Túrikmenstan Prezı­denti­niń Qazaqstanǵa jasaǵan mem­le­kettik sapary eki el arasyn­daǵy saýda qatynasyna zor ser­pin bergendigin» atap ótti.

«Qazaqstan men Túrik­men­stan Memleket basshylary­­nyń tapsyrmalaryna sáıkes, eki eldiń  Úkimetteri ózara saý­da qatynasy kólemin edáýir ul­ǵaıtty. Qazaqstan bul tapsyrmany odan ári júzege asy­rýǵa barlyq kúsh-jigerin jum­saıdy», dedi kezdesý barysynda Qazaqstan Respýblıkasy Premer-Mınıstriniń birinshi orynbasary.

Eki el arasyndaǵy saýda qa­tynasynda tranzıttik-kólik salasy, energetıka, aýyl sharýa­shylyǵy, mashına jasaý, temir jol kóligi mashı­nasyn jasaýǵa qajetti ónim­der­di jetkizýge basymdyq beri­lip otyr. Sonymen qatar eki el qatynasynda áskerı-tehnı­ka­lyq jáne aeroǵaryshtyq sala­ǵa da basymdyq berildi.

О́z kezeginde Túrikmenstan Prezıdenti Gýrbangýly Berdi­mu­hamedov óńirlik ınfra­qu­rylymdyq jobalardy damytý­dyń mańyzdylyǵyna toqtaldy.

«Túrikmenstan men Qazaq­stan – ózara tatý kórshi ǵana emes, senimdi seriktes. Bizder óńirlik ınfraqurylymdyq jobalardy belsendi damytýǵa kóńil aýdarýymyz kerek. Bul baǵytta qoldanylmaǵan áleýet mol. Máselen, «Soltús­tik – Ońtústik jańa temir jol dáliziniń ózi júk aǵyndaryn Reseı, Qytaı, Azııa-Tynyq muhıt óńiri, Parsy shyǵanaǵy elderine shyǵarýǵa  úlken múmkindik týǵyzyp otyr», dep atap ótti G.Berdimuhamedov.

О́ńirdegi saýda qatynasyn damytýǵa qolaıly tarıftik jeńildikterge qol jetkizildi. Atap óterligi bıylǵy qańtarda eksporttyq-ımporttyq tasymal kólemi ótken jyldyń sáıkes merzimimen salystyrǵanda eki esege artqan.

Kezdesý barysynda taraptar Halyqaralyq Araldy qutqarý qorynyń (HAQQ) jumysy týraly máseleni de ortaǵa saldy.

Túrikmenstanǵa sapary barysynda Qazaqstan Respýb­lıkasy Premer-Mınıstriniń birin­shi orynbasary «Túrik­menstan – Aýǵanstan – Pákistan – Úndistan» gaz qubyryn tartý­dyń kezekti kezeńiniń resmı ashylý saltanatyna, «Túrikmenstan – Aýǵanstan – Pákistan» baǵy­tyndaǵy elektr jelisi men optıkalyq talshyqty baılanys jelisin tóseýge, «Serhetabad – Turǵyndy» jańa temir jol qurylysynyń aıaqtalý saltanatyna qatysty.