Halyqaralyq ana tili kúni sheńberinde Matıa Gýbısa atyndaǵy Zagreb mektebinde qazaq tiliniń qazirgi zamanǵy damýyna jáne Qazaqstanda latyn álipbıiniń engizilýine arnalǵan mádenı is-shara ótti.
Horvatııadaǵy Qazaqstan elshiligi mekteptiń stýdentteri men oqytýshylary úshin «Latyn álipbıindegi qazaq tili» taqyrybynda ashyq sabaq, Abaı Qunanbaev poemalary men Shámshi Qaldaıaqov ánderiniń tusaýkeserin uıymdastyryp, Qazaqstannyń jetistikteri týraly beınerolık kórsetti.
Is-shara barysynda qazaq aýyz ádebıetiniń erekshe dástúrleri – aqyndardyń óneri, folklory men eposy, sondaı-aq, ádebı, aqyndyq jáne fılosofııalyq murasy atap ótildi. Bul turǵyda Qazaqstan basshylyǵynyń ana tilin jáne mádenıetin saqtaý, ony damytý jónindegi qabyldanǵan sharalarynyń mańyzdylyǵy basa aıtyldy. Prezıdent Nursultan Nazarbaevtyń bastamasymen usynylǵan «Rýhanı jańǵyrý» baǵdarlamasynyń júzege asyrylýy jáne qazaq álipbıin latyn árpine kóshirý Qazaqstannyń lıngvıstıkalyq, mádenı jáne rýhanı damýyn jańa beleske shyǵaratyny týraly aıtyldy.
Halyqaralyq ana tili kúni 1999 jyly IýNESKO-nyń bastamasymen jarııalandy jáne jyl saıyn 21 aqpanda álemdik til jáne mádenı dástúrlerin damytý maqsatynda atalyp ótedi.
«Egemen-aqparat»