Kórermenin oıǵa tartqan boıaýlar

О́ıtkeni boıaý­dan oı izdeıtin sýretshi ár shy­ǵarmasynda kórermenin pikir­talasqa tartatyn sekildi. Rasynda, solaı. Georgıı Mı­haılovıch túrli janrda, túrli tehnıkamen jumys isteıdi. Bul jolǵy kórmesin ol «Uly esimder – 2» dep atapty. Oǵan sýretshi 2009 – 2017 jyldar aralyǵynda aralas tehnıkamen oryndaǵan 34 týyndysyn usyndy. Bul jolǵy ilingen týyndylar sýretshiniń 2015 jyly «Uly esimder» atty atpen jasaǵan kórmesiniń jalǵasy bolyp tabylady. Kóp oqıtyn, ónerdiń ár salasyn jetik biletin jáne aqyndyqtan da quralaqan emes sýretshi, mýzyka jáne ádebıettegi uly esimderdiń shyǵarmalarynan túıgenin qylqalam arqyly qaǵazǵa túsiredi. Sol arqyly óner men ádebıet álemindegi uly esimderge taǵzym etedi. Sýretshi oqyǵan kitaptary já­ne ómirbaıandardan, súıikti kar­tınalary men mýzykalyq shyǵarmalardan alǵan áseriniń negizinde álemdik mádenıettegi danyshpan tulǵalardy óz qııal kórinisinde beıneleıdi.

Jańa grafıkalyq serııasynda Georgıı Mıhaılovıch qazaqtyń kemeńger aqyny Abaıdyń, orys aqyndary Marına Svetaeva, Anna Ahmatova men Nıkolaı Gýmılev, fransýz aqyny Sharl Bodler, venger kompozıtory Fe­rens Lıst, nıderlandyq sýret­shi Van Gog, orys kompozı­torlary Sergeı Prokofev, Igor Stravınskıı jáne álemdik tanymal basqa da uly tul­ǵalardyń shyǵarmalarynan túıgenin qaǵaz ben boıaý arqyly kórermenine usynady.

– Meniń búkil aıtarym kórmede ilingen shyǵar­ma­larymda. Al meniń oıym kó­rermen pikirimen sáıkes ke­lýi mindetti emes, men tek kó­rermenimdi oıǵa tarttym. My­saly, Abaıdyń «Qara sóz­de­rindegi», Aleksandr Kýp­rın­niń «Paganınıdiń skrıpkasy» áńgimesindegi aıtylǵan oılardy, Maıa Plıseskaıanyń bı­men jasaǵan Karmen obrazyn qalaı túsinýi árkimniń óz erkinde. Árkim olardan óziniń ishki qa­laýyn kórmek, – deıdi Georgıı Mıhaılovıch.

Sýretshiniń pikirinshe, uly adamdar máńgi ómir súredi, olar­dyń oıy men jasaǵan isi keıinginiń rýhanı azyǵy.

Názıra JÁRIMBET,

«Egemen Qazaqstan»

QOSTANAI