Qazaqstandaǵy eńbek qaýipsizdigi men eńbekti qorǵaýdaǵy úlgili kásiporyndardyń biri – Astana qalasynda ornalasqan Lokomotıv qurastyrý zaýyty. Kásiporyn qyzmetimen tanysqan Qazaqstan kásipodaqtary federasııasynyń ókilderi osy turǵydaǵy zaýyt tájirıbesin basqa da kásiporyndarǵa taratý qajettigin aıtady.
О́ıtkeni elimizdegi eńbek qaýipsizdigine jasalǵan taldaý boıynsha jyl saıyn 2 myńǵa jýyq adam óndiristik jaraqat alyp, 200-den astam adam qaza bolady. Osy oraıda Qazaqstan Kásipodaqtar federsııasynyń tóraǵasy Baqytjan Ábdiraıym óndiristik keńesterdiń jumysyn baqylaý kúsheıtilip jatqanyn atap ótti. 2016 jyly bekitilgen jańa Eńbek kodeksinde eńbek qaýipsizdigin saqtaý maqsatyndaǵy qural retinde alǵash ret Eńbekti qorǵaý jónindegi óndiristik keńester engizildi. Bul zańnama boıynsha óńdiristik keńestiń sheshimi jumys berýshiler úshin mindetti jáne ony oryndamaǵan jumys berýshiler jaýapqa tartylady. Biz óndiristik keńesterge jańa qarqyn berýimiz tıis. Sondyqtan búginde jergilikti bastaýysh jáne salalyq kásipodaqtarǵa kóp kóńil bólinip otyr, dedi B.Ábdiraıym.
«Lokomotıv qurastyrý zaýyty» búginge deıin 300-den asa teplovoz jasap, Qazaqstan men TMD elderindegi lokomotıv parkteriniń jańarýyna úlken úles qosty. Zaýyttyń kásipodaq komıtetiniń tóraǵasy Nurlybek Jumashtyń aıtýynsha, kásiporyndaǵy óndiristik keńes eki jyldan beri jumys isteıdi jáne is júzinde eńbek qaýipsizdigin baqylaýdyń kepiline aınaldy. Kásiporyn Elbasynyń qatysýymen 2009 jyldyń shilde aıynda ashylǵannan beri kásipodaq uıymy da jumysshylar múddesin qorǵap keledi. Zaýytta eńbek etetin 600 adamnyń 99 paıyzy kásipodaq uıymyna múshe. Jýyrda 2018-2020 jyldarǵa arnalǵan ujymdyq shartqa zaýyt basshylyǵy men salalyq kásipodaq uıymy arasynda qol qoıyldy. 2015 jyly Eńbek jáne áleýmettik qorǵaý mınıstrliginiń «Eń úzdik ujymdyq shart» atalymy boıynsha marapattalǵan kásiporyndaǵy kásipodaq uıymynyń músheleri sol deńgeıden tómendemeý basty maqsat ekenin aıtady.
Qazirgi kezde Qazaqstanda 12 myń óndiris keńes qurylsa, onyń ishinde 581 óndiris keńes qana shynaıy sektordaǵy kásiporyndarda qyzmet etetinin aıta ketken lázim.
Dýman ANASh,
«Egemen Qazaqstan»