8 naýryzda Kongress-ortalyqta Qazaqstan Respýblıkasynyń eńbek sińirgen artısi, kópshilik súıip tyńdaıtyn Nurlan О́nerbaevtyń «Júrektegi kóktem» atty shyǵarmashylyq keshi ótedi, dep habarlady Astana qalasynyń Mádenıet, muraǵattar jáne qujattama basqarmasy.
Kóktem merekesine oraı «ALJIR» murajaıynda ashylǵan balalar sýret kórmesi jalǵasyp jatyr. Naýryzdyń 5-si men 9-y aralyǵynda Sáken Seıfýllın mýzeıinde «Sáken súıgen arýlar» atty kórme, al 7-shi jáne 10-shy naýryz aralyǵynda «Qazaq arýlarynyń áshekeı buıymdary» atty ekspozısııa kópshilik nazaryna usynylady.
Merekege oraı 6 naýryzda «Máńgilik el» qaqpasynyń sholý alańynda elordalyq áıelder klýbtarynyń múshelerine arnap «Sımvol sovremennogo Kazahstana – Trıýmfalnaıa arka «Máńgilik el» ekskýrsııasy uıymdastyrylady.
Názik jandar merekesine oraı elordalyq teatrlar kórermenderdiń súıikti qoıylymdaryn qoıady. 7 naýryzda M.Gorkıı atyndaǵy memlekettik akademııalyq orys drama teatrynda «Prımadonny» komedııasyn, al Q.Qýanyshbaev atyndaǵy qazaq teatrynda «Zere» dramasyn tamashalaýǵa bolady. 9 naýryzda «Jastar» teatry «Mahabbat mınıatıýralary» atty teatrlandyrylǵan konserttik baǵdarlamany tamashalaýǵa shaqyrady.
10 naýryzda «Jastar» saraıynda «Vesennıaıa kapel» bı týrnıri ótedi. Sonymen qatar 10 naýryzdan 1 sáýirge deıin elordalyq sırkte «Skifiy» lazerlik shoýy kópshilik nazaryna usynylady.
Qalalyq kitaphanalarda da merekege oraı naýryz aıynda áıelderdiń qoǵamdaǵy róline jáne sulýlyǵyna arnalǵan dárister, áńgimelesýler, kezdesýler, ádebı keshter uıymdastyrylady.