Ánuranym, qyran qanat asqaǵym,
Sánge bóle Táýelsizdik aspanyn.
Jeńisterde shyrqalǵanda san márte,
Rýhymyzdy bıikterge bastadyń.
Ár sózińnen tarıhymdy tanydym,
Batyrlardyń qalqanyndaı qalybyń.
Eldik ánim, namysymdy qaıradyń,
Erge – uranym, jigerimdi janydyń.
Ánuranym, sende erek syr bardaı,
Jan-júregim sezimińe tunǵandaı.
Sen shyrqalsań, bereke men baq tilep,
Jeltoqsannyń jastary kep turǵandaı.
Kók baıraǵym kóterilip tóbemde,
Sen shyrqaldyń asqaq únmen kóp elde.
Táýelsiz el aınaldy da áýenge,
Bar taǵdyrym syıyp ketti óleńge.
Qazaǵym bar jeńisterin toı qylar,
Sen degende ásem, kórkem oı tunar.
Barlyq sátte kóńilimde júretin,
Ánuranym, júregime boıtumar!
Saıat QAMShYGER, «Serper» jastar syılyǵynyń laýreaty.