Ońtústik Koreıanyń Dedjon qalasynda ótip jatqan «Jas ǵalym» halyqaralyq jobalar baıqaýynda qyzylordalyq oqýshylar úzdik atandy.
Álemniń túkpir-túkpirinen jınalǵan izdenimpaz balalardyń ǵylym báıgesinde «Murager» mektebiniń oqýshysy Dinmuhamed Aqpan "Rımannyń gıpotezasy jáne onyń saldary, qasıetteri jáne sheshimi" atty ǵylymı jumysy úshin 1 oryndy jeńip aldy.
Osy mekteptiń taǵy bir oqýshysy Evgenıı Demıdenko "Bıologııalyq prosesterdiń 4D modelderin ázirleý" taqyrybynda úzdik joba usynyp, 1 oryn ıelendi. 3 mektep-gımnazııasynda oqıtyn Maǵjan Beketov "Kompıýterdiń kómegimen gazdardyń konsentrasııasyn anyqtaý" ǵylymı eńbegi úshin 2 oryn aldy.
«Murager» mektebiniń oqýshysy Dıana Valıshaevanyń "Aral mańyndaǵy turǵyndardyń gematologııalyq parametrlerin túzetý ádisteri" atty jobasy úshinshi orynǵa laıyq dep tanyldy. Jeńimpazdardy ǵylym básekesine daıyndaǵan jetekshisi -Qarlyǵash Daýylbaıqyzy.