«QTJ» UK» AQ Logıstıka jónindegi vıse-prezıdenti Sanjar Elýbaev bastaǵan delegasııa Varshavada ótken TJYU Júk tasymaly jónindegi Komıssııasynyń otyrysyna qatysty, dep habarlaıdy «Qazaqstan temir joly» UK» AQ baspasóz qyzmeti.
TJYU keńesine qatysýshylar 2018 jyly temirjol kóligimen eksporttyq, ımporttyq jáne tranzıttik júkterdi tasymaldaýdyń kólemin kelisý jáne ony qamtamasyz etýdi uıymdastyrý máselesin talqylady.
Qazaqstan, Qytaı, Polsha, Reseı, Vetnam, Monǵolııa, KHDR temirjol ákimshilikteriniń ókilderi eýrazııalyq qurlyqtaǵy júk tasymaly kólemin ósirý boıynsha ózara tıimdi qarym-qatynasty damytý jaıyn ortaǵa saldy.
«Mundaı halyqaralyq aýqymdaǵy sharalar halyqaralyq baǵdardaǵy temirjol kóligimen tasymaldaýǵa oń yqpal etedi. Sonymen birge Eýrazııalyq keńistiktegi biryńǵaı temirjol tıimdi alǵy sharttaryn jasaıdy. Ne degenmen TJYU 28 memlekettiń temirjol ákimshilikterin bir maqsatqa biriktiredi»,-deıdi «QTJ-Júk tasymaly» AQ Yqpaldasqan josparlaý jáne aqparattandyrý boıynsha vıse-prezıdenti Saǵyndyq Jumabaev.
Keńes aıasynda «QTJ» UK» AQ delegasııasy Qytaı, Polsha, Reseı, Vetnam, KHDR temirjol ákimshilikteri ókilderimen ekijaqty kezdesýler ótkizdi.
Qytaılyq áriptesterimen kezdesý barysynda shekaralyq stansııalarda bir mezgilde kedendik resimdeý, halyqaralyq konteınerlerdi qabyldaý men jóneltý jaılary kelisildi. Ol óz kezeginde el aýmaǵy arqyly ótetin konteınerlik poıyzdardy máselen, Qytaı (Úrimshi) – Qazaqstan –Ortalyq Azııa\Eýropa baǵdaryndaǵy jolda júrý merzimin barynsha qysqartady.
Taraptar bıylǵy jyly QR men QHR arasyndaǵy júk aınalymyn 2017 jylmen salystyrǵanda 44 paıyzǵa, eksporttyq baǵdardy -39 paıyzǵa arttyrýdy kózdep otyr. 2018 jyly Qazaqstan aýmaǵy arqyly ótkiziletin kelisilgen QHR tranzıttik júkteri 2,3 esege, QHR keletin júkterdi 21 paıyzǵa ósirý josparlanyp otyr.
«Kelisilgen josparlar men osy atqarylǵan sharalar eki eldiń aldynda turǵan tapsyrmalardy barynsha tez oryndap turaqty ári tıimdi seriktestikti damytýǵa baǵyttalǵan»,-deıdi Qytaı temirjolynyń halyqaralyq qatynastar departamentiniń bólim bastyǵy Van Goszıýn.
«QTJ» UK» AQ delegasııasy keńes kezinde Polsha kólik mınıstrligindegi áriptesterimen, PKP Cargo kompanııasy ókilderimen kezdesip, Qytaı-Eýropa-Qytaı baǵdaryndaǵy konteınerlik poıyzdardy jasaqtaý bolashaǵyn talqylady. Sonymen qatar Brest-Malashevıch shekaralyq ótkeliniń ótkizý áleýetine qatysty jáne Polsha, Belorýs elderiniń shekaralyq ótkelderimen balama negizdegi baǵdarlardy damytý qarastyryldy.
Keńes otyrysyna Qazaqstan, Qytaı, Polsha, Reseı, Vetnam, Monǵolııa, KHDR temirjol ákimshilikteri, syrtqy saýda uıymdary, kólik-logıstıkalyq kompanııalarynyń ókilderi qatysty.
Keńes qorytyndysy boıynsha Hattamaǵa qol qoıyldy.
TJYU-nyń Komıssııasy keńesiniń kezekti otyrysy 2019 jyly aqpan-naýryz aılarynda Vetnamda ótkiziletin boldy.