О́skemendegi Nazarbaev zııatkerlik mektebiniń kýratorlary bir aı boıy ulttyq naqyshtaǵy kóılekterdi kıip júrýge sheshim qabyldapty. El kóleminde osymen úshinshi jyl qatarynan atap ótilgen Alǵys aıtý kúnin bilim ordasynyń ustazdary qazaqtyń oıý-órnegimen kómkerilgen kóılekterdi kıip, ulttyq áshekeılerdi taǵyp tamasha kóńil-kúımen qarsy aldy.
Zııatkerlik mekteptiń kýratory Sholpan Chakırtenova oqýshylarǵa ulttyq naqyshtaǵy kıimderdiń ásemdigin, kórkemdigin ǵana emes, kııýge qolaılylyǵyn da pash etýdi maqsat qylǵandyqtaryn aıtady. «Babadan balaǵa qalǵan qundy muralarymyzdy ózimiz nasıhattamaǵanda kim nasıhattaıdy? Alla sátin salsa, Naýryz merekesi qarsańynda oqýshy qyzdarymyz da áshekeılerin, syńǵyrlaǵan sholpylaryn taǵyp shyǵady», - deıdi ol.
Mekteptiń baspasóz hatshysy Roza Qumarǵajınanyń sózine sensek, bilim ordasynyń ustazdary jyl saıyn ulystyń uly kúni qarsańynda ulttyq kıimderdi kıip júrýdi ıgi dástúrge aınaldyrǵan. Al biz sóz etip otyrǵan tamasha aksııa osy aıdyń sońyna deıin jalǵasady. Igi bastamaǵa shahardaǵy basqa da mektepterdiń ustazdary ún qossa, qanekı.
Azamat QASYM,
«Egemen Qazaqstan»
О́SKEMEN
Sýret О́skemendegi Nazarbaev zııatkerlik mektebiniń baspasóz qyzmetinen alyndy