Baqytbek Smaǵul: Birligi bekem eldiń bolashaǵy jarqyn

Mundaı jaǵdaıda tek shyn máninde qýatty mem­le­ket­ter ǵana áleýmettik ınf­ra­qu­ry­lymdy nyǵaıtýyn jalǵas­ty­ryp, óz azamattarynyń ómir deń­geıin odan ári kóterýge qaý­qarly. Elbasynyń búgingi «bes áleý­met­tik bastamasy» Qazaqstannyń qýa­ty men áleýetin álemge tanytty.

«Prezıdenttiń bes áleýmettik bastamasy» órkendeý úshin jańa alǵysharttar týǵyzady. Bul rette ol buǵan deıin jarııalanǵan jáne júzege asyrylyp jatqan jańǵyrý ıdeıalarymen jaqsy qabysady.

Eger jiti úńilsek, Nursultan Nazarbaevtyń osy bastamalary, eń aldymen, eshkimge masyl bolyp qarap otyrmaıtyn, qaıta boıyn­daǵy bar áleýetin qajetke jar­atyp, eńbek etetin, ilgeri basa­tyn, bilim-ǵylym ıgeretin bar­sha jigerli qazaqstandyqtarǵa arnal­ǵanyn baıqaýǵa bolady. Atap aıtqanda, resmı tabysy bar, biraq baspanasy joq azamattar­ǵa 7 paıyzdyq mólsherleme­men 25 jylǵa jeńildetilgen ıpote­ka berilmek. Jalaqysy tómen sanalatyn jumyskerlerge salynatyn salyq on ese azaıtylyp, 1 paıyz ǵana bolady. Mundaı ıgilikti tipti damyǵan elderde tabý qıyn. Sonymen birge JOO-ǵa túskisi keletin jastar úshin bilim granty 20 myńǵa ul­ǵaı­tylady. Bes jyl ishinde eń kemi 75 myń stýdentti qamtıtyn jańa jataqhanalar qoldanysqa berilýge tıis. Budan bólek, óz bıznesin ashqysy keletin isker-ismer jandarǵa bıyl 62 mıllıard teńge kóleminde shaǵyn nesıeler usynylady. Munyń barlyǵy halyq tarapynan keń qoldaý tabaryna senemin. О́ıtkeni kez kelgen ǵa­syrda, kez kelgen qoǵamda jań­ǵyrýdyń ustyny – ekonomı­ka­lyq belsendi turǵyndar men tıimdi jumys jasaıtyn ınstıtýttar bolǵan.

Máselen úıi bolmaı, kúıi kelmeı júrgen otbasylar­dan rýhanı jańǵyrýdy, jańa teh­nologııalyq serpinge septesýdi suraý qıyn.Demek, bes bastama bolashaq­qa da baǵdarlanyp otyr. Al eli­miz­diń keleshektegi damý baǵ­dary men bet alysy búgingi jań­ǵyrý­lardyń tabysyna tikeleı baılanysty bolady.

Taǵy bir nazar aýdarar jaıt, birlik uǵymy Elbasynyń bú­gin­gi Úndeýiniń ón boıyna «altyn arqaý» bolyp órilgen. «Búgin­gi bastamalar elimiz tutas, qoǵa­my­myz turaqty bolsa ǵana tabysty júzege asady. Al el bir­ligi – eń birinshi, qazaqtyń bir­ligi. Jahandyq kóshtiń basyn­da júretin mereıli el bolý úshin bir­lik pen yntymaq aldy­men ózi­miz­ge, qazaqqa kerek. Tarıh­tyń ózi dáleldegen bir aqı­qat bar – hal­qymyz birlikte bol­sa kú­­­sheı­­gen, birligi qash­sa álsi­re­gen», – dedi Memleket basshysy.

Endeshe azattyqtyń shırek ǵasyrdan astam tarıhynda tatý­lyǵy men kelisimin saqtaı bilgen Qazaq­stan halqy úshin endi ári qaraı da aınymas aýyzbirligin, jar­qyn bolashaqqa umtylysy men jasam­pazdyǵyn bekemdeı túsýi – paryz. Sebebi Elbasy aıtqan­daı, Úndeýdiń syry – birlikte, júdeý­diń syry – alaýyzdyqta.

Baqytbek SMAǴUL, Aýǵan soǵysy ardagerleri uıymdary «Qazaqstan ardageri» Qaýymdastyǵynyń tóraǵasy