«Saltanat bizdiń shamshyraǵymyz ǵoı!..»

Sal­tanat Ázirbek avtomo­bı­l nópiri halqynyń sanyna taıa­ǵan Almaty shaharynda asa jaýapty qyzmet atqarady. Áńgimeni «kórkem sózdi» dep bastaýymyzdyń mánisi – Saltanatqa jaratylystyń ber­gen syıy shyǵar, elde­gi ústem eki tilde de, onyń óte kórkem de mándi sóı­leı biletindiginde. Jasy­ra­­tyn nesi bar, búginde Al­ma­tydaǵy jýrnalıs­ter qaýymynyń úlken sha­har­dyń tynyshtyǵy beı­ne osy Saltanat­tyń qo­lynda turǵandaı sezine­tini de bar. О́ıtkeni megapolıstegi qandaı da bir tosyn nemese tótenshe oqıǵa bolsyn, alǵashqy aqparat Almaty qa­lasy IID resmı ókili, po­lısııa podpolkovnıgi Saltanat Ázirbektiń qoly­nan ótedi, BAQ-qa sodan soń jetedi. Saltanattyń sara­bynan ótken qandaı da bir derektiń shıkiligi joq, naqty qujat sanalady. Buqaralyq aqparat quraldary 2016 jylǵy 18 shildedegi Almatyda Rýslan Kúlikbaev jasaǵan 25 mınýttyq zulmatta jýr­­na­lıstermen tikeleı baıl­a­nysta otyryp, birden-bir derek kózi bolǵanyn áriptester umytqan joq...

Hanymdar merekesi qar­sa­ńynda «ot pen oqtyń orta­synda» júr­gen bizdiń áriptesimiz Sal­tanattyń erlikke para-par árbir jaýyngerlik is­teri týraly jazý kez kelgen tilshige esh qıyndyq tý­dyr­masy aqıqat. Shyny so­laı! Ol naǵyz ámbebap ma­man, naǵyz ofıser, qu­ra­laıdy kózden atqan mer­gen, departamenttegi ná­zik jandylardyń alǵy shep­te­gi jetekshisi... Áıtse de, óziniń esimin ataýdy jón kór­me­gen onymen qyzmettes bir ofı­serdiń Saltanat týraly taza adam­gershilik qaǵıdattaryna qa­tysty aıt­qan bir áńgimesi jadymnan esh shyǵar emes...

Uly Jeńistiń 70 jyl­dy­ǵynyń qarsańy eken. Eki márte Keńes Oda­ǵy­nyń Batyry ataqty ás­kerı ush­qysh Talǵat Bıgel­dı­novtiń jubaıy qalalyq IID-ne Saltanatty izdep ke­ledi. «Aınalaıyn Sal­tanat, (Ol kezde 90-nyń tó­rin­degi Batyr aǵamyzdyń kó­zi tiri, – avt.) aǵalaryń qa­lada «Nıvasymen» arly-be­rili sharýamen shaýyp júr­gende jol erejesin baıqamaı buzyp, birneshe márte beınekameraǵa túsip qalypty. Úıge 38 myńdaı teńge aıyppul kelip tur. Sony jeńildikpen joıýdyń joly bolmas pa eken?!» Saltanat ornynan atyp tu­ryp, apaıdy oryndyqqa jaı­ǵastyrady. «Talǵat Bı­gel­dınov aǵamyz deısiz be? Árıne bolady... apaı, tú­birtekti maǵan berińiz! Bizge beıbit ómir syılaǵan Batyr aǵamyzǵa, tek qana eki már­te batyr aǵalarymyzǵa, árıne jeńildik jasaımyz!..» «Kompıýterge engen aıyp­pul kestesin jeliden joıý­dyń eshqandaı da amaly joqtyǵyn jaqsy biletin biz­d­er bastyǵymyzdyń bul qy­lyǵyna tańdanǵanymyz da ras,» – deıdi ofıser. Sóıt­se, qonaq ketken soń Sal­tanat mekemedegi kassa­ǵa baryp, batyrdyń moı­nyn­daǵy aıyppulyn ózi­niń aılyq jalaqysynyń ese­binen tólep tastapty.

Saltanattyń áriptesteri onyń kez kelgen qysylǵan janǵa zańdy ári quqyq sheń­be­rinde qolushyn berýge ázir tura­tyndyǵynan burynnan da habardar-tyn. Alaıda, tal­dyr­mash jetek­shileriniń qazaq­tyń ańyz adamyna jasaǵan tańǵalarlyq sol bir áreketi umytylmastaı esterinde qalypty... Halqy qadi­rlegen qaharmanǵa Sal­tanattyń kórsetken bul qurmeti meni de qatty tańǵal­dyrdy. Tilshilik qyz­met­te budan birneshe jyl buryn Saltanat Ázirbekten ózim alǵan jaıdary suhbat esime tústi. «Balabaqshada ul balalar ushqyshtyń kıi­min kıip, qyz balalar qo­l­daryna qýyrshaq ustap sý­ret­­ke túsetin dástúr bo­lǵan. Men «qýyrshaq ustamaımyn, ush­qyshtyń kıimin kıemin...» dep alǵash ret shý shyǵarǵan tár­bıelenýshi ekenmin. Osy mi­nezim meniń ómirlik ar­ma­nym­nyń bastamasy bolǵan sekildi...» degen edi sonda Saltanat uıań jymıyp.

...О́tkende elmizdiń Bas prokýratýrasy Saltanatqa «quda túsip» Astanaǵa jo­ǵary laýazymdy qyz­met­ke aldyrtyp jatyr eken-di estigende Almaty jýr­nalısteriniń kóńilderi ja­byr­qap qalǵany da tegin emes. Árıne, olardyń bar­lyǵy da Saltanattyń qyz­metiniń ósýine tilektes. Bi­raq, bul qylmystyq-qu­qyq­tyq salanyń bilgiri polısııa pod­polkovnıgi Saltanat «Almatyda júre berse, biz­diń shamshyraǵymyz ǵoı...» de­gen shynaıy áriptestik ish­tartqan sezimderi ǵana bola­tyn...

Talǵat SÚIINBAI, «Egemen Qazaqstan»