Qazaqstandyqtar búginnen bastap Birikken Arab Ámirlikterine vızasyz bara alady.
QR SIM Qaırat Ábdirahmanov 2017 jyly Birikken Arab Ámirlikterine barlyq tólqujat túrlerimen vızasyz qatynaý jónindegi kelisim jasalǵanyn málimdegen bolatyn. Atalǵan qujatty BAÁ barlyq ámirlikteri maquldaǵan.
Sonymen qazaqstandyqtar atalǵan elde 30 kúnge deıin vızasyz júre alady. Al ol merzimnen asyp ketse aıyppul tóleıdi. Aıyppul kólemi jergilikti zańnamaǵa sáıkes, birinshi kúni 200 dırham, al odan keıingi kúnder úshin 100 dırham bolyp belgilengen. Vızasyz rejım kezinde kelissózder men kezdesýler ótkizýge ruqsat etilgen. Alaıda, bul jumys isteý maqsatynda kózdelmegen.