Oblys ortalyǵyndaǵy Baıantaý sport kesheninde «Ertis» fýtbol klýby kezekti maýsym aldyndaǵy jańa quramymen tanystyrdy.
El chempıonatyn 5 márte jeńip alǵan «Ertis» fýtbol klýbynyń jańa quramyn tanystyrý rásimine oblys ákimi Bolat Baqaýov jáne jankúıerler qatysty. Bıyl ózgeriske ushyraǵan «Ertistiń» jańa quramynda rýmynııalyq Adrıan Avramııa, Dorý Papadıýk, nıgerııalyq Fýad Salamı, belorýssııalyq Sergeı Kıslıak, ıspanııalyq Adrıan Gomez bar. Elimizdiń fýtbolshylary Almat Bekbaev, Mıdat Galbaev, Berik Aıtbaev, Maqsat Ámirhanov, Dmıtrıı Shmıdt, Rahymjan Rozybakıev, Vladımır Vomenko, Kırıll Shestakovtar da endi «Ertistiń» quramynda oınaıdy. Burynǵy oıynshylardan Rýslan Esimov, Serikbol Qapanov, Nıkıta Kalmykov, Aleksandr Kıslısın, Pavel Shabalın, Ilıa Kalının, Arman Smaılov, Mılosh Stamenkovıch pen Karlos Fonsekalar bar.
Al, «Ertistiń» jańa kapıtany bolyp Ekibastuz fýtbol mektebiniń túlegi Rýslan Esimov taǵaıyndaldy. Qazir «Ertisti» jańa bas bapker ıspanııalyq Herard Nýs jattyqtyrýda. Herard Nýstiń bapkerlik qyzmeti fýtbol jankúıerlerine jaqsy tanys.
О́tken 4 naýryz kúni «Ertis» Ombynyń «Ertis» komandasymen joldastyq kezdesý ótkizip jeńis ákeldi. Endi elimizdiń chempıonaty sheńberindegi alǵashqy oıyn 11-naýryz kúni saǵat 15:00 te bastalady. Ertistikter óz alańynda Atyraý komandasymen kezdesedi.
Farıda Byqaı
«Egemen Qazaqstan»
Pavlodar
Sýretti túsirgen: Valerıı Býgaev