QHR konstıtýsııasyna túzetý engizý jobasy maquldandy

«QazAqparat» HAA Qytaıdaǵy menshikti tilshisiniń habarlaýynsha daýys berýge 2 964 halyq qalaýlylary qatysqan jáne onyń 2 958-i Qytaı kommýnıstik partııasynyń Ortalyq komıteti usynǵan konstıtýsııaǵa túzetýlerdi maquldaǵan, 2 adam qarsy shyǵyp, 3 daýys berýden bas tartqan jáne 1 bıýlleten jaramsyz bolyp shyqqan.

Jańa túzetýlerge sáıkes, memlekettik qyzmetshiler qyzmetke kiriserde el konstıtýsııasyna qoǵam aldynda ant beredi jáne QHR memlekettik organdar júıesin baqylaý retinde Ulttyq komıssııa engiziledi.

Al, tarıhı máni bar negizgi túzetýlerdiń biri - QHR tóraǵasy men tóraǵa orynbasaryna eki merzimnen artyq bılikte bolýyna tyıym salatyn 79-baptaǵy úshinshi tarmaqty alyp tastaý boldy. Bul QHR kóshbasshysy Sı Szınpınge 2023 jyldan keıin de bılik basynda qalýyna múmkindik beredi.

Eske sala ketsek, 25 aqpan kúni QKP Ortalyq Komıteti el konstıtýsııasyna ózgerister engizý boıynsha usynys jarııalaǵan bolatyn.