Áleýmettik bastama eldiń ıgiligine arnalǵan utymdy joba

Prezıdent besinshi bastamasynda «Eldi gazben qamtamasyz etýdi jalǵastyrý» mindetin qoıdy. Kógildir otynnyń ıgiligin Syr boıy halqy onshaqty jyl­dan beri kórip keledi, sol arqy­ly jurt­shy­lyq áleýmettik-tur­mys­tyq ahýaldyń aıtarlyqtaı jaq­sar­ǵanyn sezinýde. Elbasy elimiz­de gaz óndirý táýelsizdik kezeńinde jylyna 8-den 52 mlrd tekshe metr­ge deıin artqanyn, ári qaraı da óse túsetinin atap ótti.

«Qazir elimizdegi turǵyn­dar­dyń 50 prosentke jýyǵy gazben qam­tamasyz etil­gen. 9 oblysqa gaz tar­tylǵan. Degenmen ortalyq jáne soltústik óńirler áli de gazsyz otyr. Biz Qaraózek (Qyzylor­da oblysy) – Jezqazǵan – Qaraǵan­dy – Temirtaý – Astana baǵytynda magıstraldy gaz qubyryn salý jobasyn júzege asyrýymyz kerek. Oǵan tıisinshe qarajat tartý qajet bolady, sonyń ishinde halyqara­lyq qarjy ınstıtýttarynan da. Bul 2,7 mln adamdy gazben qamtamasyz etýmen qatar, sha­ǵyn jáne orta bıznestiń jańa óndiristerin ashýǵa múmkindik beredi», dedi Prezıdent. Árıne bul óte oryndy qadam, aldaǵy ýaqytta elimizdiń basqa da óńirleri kógildir otynnyń jaqsylyǵyn kórýge tıis dep sanaımyz. Prezı­denttiń bes bastamasyn Syr boıy halqy zor qýanyshpen qarsy aldy jáne jarqyn bolashaǵyna aıqyn baǵdar alyp otyr.

Astanany gazdandyrý ekologııany jaqsartyp, zııandy qal­dyqtardyń aýa­ǵa taralýyn 6 ese­ge azaıtady eken. Joba­ny jú­­zege asyrý ózge óńirlerdi de gaz­dan­dyrýǵa múmkindik beredi. Sary­­arqa­ǵa gaz kelgen soń Pav­lo­dar, Petropavl, Kókshetaý qala­laryna da kógildir otyn jetkizý qarastyrylmaq. Sonymen birge qurylystyń birneshe ret ekshelip pysyq­talǵany, sóıtip naqty jobaǵa aınalǵany aıtyldy.

Elbasynyń bastamasymen endi Syrdan Saryarqaǵa gaz qu­byry tartylmaq. Bul Qaraózek gaz taratý stansasynan bastalatyn alyp qurylys bizdiń qyzyl­orda­lyqtarǵa jańa jumys oryndary ǵana emes, óndirisimizge ser­pin ákeledi. Qazirgi tańda oblys halqynyń 63 paıyzy tabıǵı gaz tutynýda. Sońǵy jyldary Qy­zyl­orda qalasyn gazdandyrý qar­qyny kúsheıip, 7 aýdan ortaly­ǵynyń 4-ýine gaz jetkizildi.

Memleketimizdiń jańa qadam­dary búkil qazaqstan­dyqtarǵa, elimizdiń barsha azamattaryna ıgi áser etedi. Bul bastamalardyń elimiz tutas, qoǵamymyz turaqty bolsa ǵana tabysty júzege asaty­ny barlyǵymyzǵa zor jaýap­ker­shilik júkteıdi.

Medet ÝSAIN,

Qyzylorda oblystyq energetıka jáne turǵyn úı-kommýnaldyq sharýashylyq basqarmasynyń bastyǵy