Memleket basshysynyń qatysýymen ótetin syrtqy saıası oqıǵalarǵa qatysty kóptegen saýaldyń kelip túsýine baılanysty Prezıdenttiń Baspasóz hatshysy Aıdos Úkibaı Nursultan Nazarbaevtyń aldaǵy jumys kestesi týraly aıtty.
«Memleket basshysy bıylǵy 13 naýryzda Koreıa Respýblıkasy Ulttyq Assambleıasynyń Spıkeri Chon Se Gıýnmen kezdesedi.
14 naýryzda Nursultan Nazarbaevtyń shaqyrýymen Tájikstan Respýblıkasynyń Prezıdenti Emomalı Rahmon Qazaqstanǵa resmı saparmen keledi. Sapar aıasynda memleketter basshylary kún tártibindegi ekijaqty, óńirlik jáne halyqaralyq ózekti máselelerdi talqylaıdy.
15 naýryzda Qazaqstan Prezıdenti Ortalyq Azııa elderi, sonyń ishinde Qazaqstan Respýblıkasy, Qyrǵyz Respýblıkasy, Tájikstan Respýblıkasy, Túrikmenstan jáne О́zbekstan Respýblıkasy basshylarynyń jumys (konsýltatıvtik) kezdesýine qatysady. Bul bes jaqty kelissózderdiń Ortalyq Azııanyń barlyq eli úshin ortaq mereke – Naýryz meıramy qarsańynda ótýiniń mańyzy zor.
Túrikmenstanda joǵary deńgeıdegi is-sharalardyń aldyn ala josparlanýyna baılanysty bul elden Medjlıs tóraıymy A.T.Nýrberdyeva hanym qatysady.
Sol kúni N.Nazarbaev pen Sh.Mırzııoevtiń qatysýymen Qazaqstandaǵy О́zbekstan jylynyń saltanatty ashylý rásimi ótedi. Sondaı-aq, eki el kóshbasshylary óner qaıratkerleriniń gala-konsertine qatysady.
16 naýryzda Memleket basshysy Sırııa jónindegi Astana prosesine kepil bolatyn mınıstrlik deńgeıindegi birinshi kezdesýge qatysýshylar – Reseı, Túrkııa jáne Iran syrtqy ister mınıstrlerimen júzdesedi».