Almatyda Qazaqstan Jazýshylarynyń kezekti XV quryltaıynda Qazaqstan Jazýshylar odaǵy basqarmasynyń jańa quramy bekitilip, Qazaqstan Jazýshylar odaǵy basqarmasynyń tóraǵasy bolyp aqyn, Memlekettik syılyqtyń ıegeri Ulyqbek Esdáýlet saılandy.
Ulyqbek Orazbaıuly Esdáýlet 1954 jyly 29 sáýirde Shyǵys Qazaqstan oblysy Zaısan aýdanynda dúnıege kelgen.
S.M.Kırov atyndaǵy Qazaq memlekettik ýnıversıtetiniń jýrnalıstıka fakýltetin (1977) jýrnalıst mamandyǵy boıynsha, M.Gorkıı atyndaǵy Ádebıet ınstıtýty janyndaǵy Joǵary ádebı kýrstardyń poezııa bólimin (Máskeý qalasy, 1985) ádebıetshi mamandyǵy boıynsha bitirgen.
1971 jyldan - Shyǵys Qazaqstan oblystyq gazetiniń korrektory.
1977 jyldan - respýblıkalyq «Qazaqstan pıoneri» gazetiniń bólim meńgerýshisi.
1979 jyldan - «Jazýshy» baspasynyń redaktory (Almaty qalasy).
1985 jyldan – Qazaq televızııasy jastar redaksııasynyń redaktory.
1986 jyldan - «Qazaq ádebıeti» gazeti redaksııasy syn bóliminiń tilshisi.
1988 jyldan - Qazaqstan Jazýshylar odaǵy basqarmasynyń hatshysy.
1991 jyldan - «Jas Qazaq» gazetiniń bas redaktory.
1993 jyldan - Qazaqstan Respýblıkasy Syrtqy ister mınıstrliginde bólim meńgerýshisi.
1997 jyldan – Qazaqstan Respýblıkasy Qoǵamdyq kelisim, aqparat jáne mádenıet mınıstrliginiń bólim meńgerýshisi.
2000 jyldan - Qazaqstan Respýblıkasy Premer-mınıstriniń Keńsesinde mádenıet sektorynyń meńgerýshisi.
2002 jyldan - «Qazaq ádebıeti» gazeti redaksııasynyń bas redaktory.
2008 jyldan beri - «Juldyz» ádebı jýrnalynyń bas redaktory qyzmetin atqarǵan.