Úkimet úıinde Premer-Mınıstr Baqytjan Saǵyntaevtyń tóraǵalyǵymen Halyqaralyq qarjy uıymdarymen (HQU), Ekonomıkalyq yntymaqtastyq jáne damý uıymymen (EYDU) ózara is-qımyl jónindegi úılestirý keńesiniń otyrysy ótti, dep habarlady Premer-Mınıstrdiń baspasóz qyzmeti.
Otyrys barysynda EYDU-men ózara is-qımyl jónindegi sharalar josparynyń jobasy qaraldy, ol uıymnyń ınnovasııalardy, shaǵyn jáne orta bıznesti damytý, ınvestısııalyq saıasatty jetildirý jáne óńirlik básekege qabilettilikti arttyrý baǵyttary boıynsha usynymdaryn júzege asyrýdy qarastyrady. Sondaı-aq memleket-jekemenshik áriptestigi negizinde HQU-men birlesken jobalardy iske asyrý barysy talqylandy.