SpaceX 2019 jyly Marsqa test rejiminde raketa ushyrýdy josparlap otyrǵanyn habarlady. Bul týraly Ilon Mask South by Southwest (SXSW) tehnologııa jáne mádenıet festıvalinde aıtty, dep jazady CNN.
«Biz qazir planetaaralyq keme qurastyryp jatyrmyz. Kelesi jyldyń basynda belgili bir qashyqtyqqa ushyrýdy bastaı alamyz dep oılaımyn. Biraq men aıtqan ýaqyt keıde ózgerip otyratynyn bilesizder», — dedi Mask. Ol óz sózinde Starlink jahandyq ınternettiń iske qosý ýaqytynyń birneshe ret shegerilgenin eske aldy.
BFR (Big Falcon Rocket) raketa júıesi birneshe ret ushyrýǵa jaramdy. Iаǵnı, ony ushyrý Falcon 1 raketasyna qaraǵanda arzanǵa shyǵady. Masktiń aıtýynsha, BFR arqyly Nıý-Iorkten Shanhaıǵa jarty saǵatta jetýge bolady.
Byltyr Mask BFR Marsqa 2022 jyly ushatynyn aıtqan bolatyn. Aldymen raketamen 150 tonna júk jiberiledi, odan keıin adamdardy tasymaldaýǵa múmkindik týmaq.