Qarabalyq aýdanyndaǵy Toǵyzaq selosynyń shetinde «SeverAgroProdýkt» jaýapkershiligi shekteýli seriktestigi qaraqumyq zaýytynyń irgetasyn qalap jatyr.
Bolashaq zaýyt jylyna 12400 tonna qaraqumyq jarmasyn óndiretin bolady. Mundaı zaýyt Qostanaı qalasynda da bar. Alaıda «SeverAgroProdýkt» JShS naryqta jarmanyń suranysqa ıe ekenin eskerip, osy zaýytty salýǵa bel baılady.
«Mundaı zaýyttyń oblysta bar. Naryqty saralaı kele biz qońyr qaraqumyqqa qosa jalyl qaraqumyqty óńdeýdi qola alaıyn dep otyrmyz. Sebebi ystyq temperatýraǵa óńdelgen qońyr qaraqumyqty Táýelsiz dostastyq elderinde jaqsy paıdalanady. Al Koreıa, Japnonııa jáne basqa elder negizinen jasyl qaraqumyqty paıdalanady. Sondyqtan bul bizdiń eksporttyq áleýetimizdi kúsheıte túsetin bolady» deıdi sharýashylyq dırektorynyń orynbasary Hamıt Dıhaev.
Jańa zaýyttyń qurylysyna 670 mıllıon teńge ınvestısııany «SeverAgroProdýkt» jaýapkerlishigi shekteýli seriktestigi ózi salyp otyr. Joǵary sapaly jarma óndiretin zaýyt keler jyly jumysyn bastaǵanda 28 adamǵa jumys bermek jáne jylyna bıýdjetke 25 mıllıon teńge salyq túsiretin bolady.
Názıra JÁRIMBET, «Egemen Qazaqstan»