2018 jylǵy 13 naýryzda Qazaqstan Respýblıkasy Parlamenti Senaty Tóraǵasynyń orynbasary Bektas Beknazarov Koreıa Respýblıkasy Ulttyq Assambleıasynyń Tóraǵasy Chon Se Gıýnmen kezdesti.
Meımanmen kezdesýde B.Beknazarov Koreıa Respýblıkasy Qazaqstannyń Shyǵys Azııadaǵy basty strategııalyq áriptesi ekenin atap ótti. «Biz Sizderdiń elderińizben barlyq salada jáne barlyq deńgeıde únqatysýdy damytýǵa múddelimiz», - dedi ol.
Senat Tóraǵasynyń orynbasary Koreıany qysqy Olımpıada oıyndaryn ótkizýimen quttyqtaı kelip, jarystarda koreıalyq komandanyń sheber óner kórsetkenin atap ótti.
Taraptar parlamentaralyq yntymaqtastyqty nyǵaıtýǵa ýaǵdalasty. Qazaqstan Parlamentiniń qos palatasynda da Koreıamen yntymaqtastyq jónindegi toptar, al Ulttyq Assambleıada Qazaqstanmen dostyq toby jumys istep keledi. Chon Se Gıýn qazaqstandyq parlamentshilerdi Koreıaǵa saparmen kelýge shaqyrdy.
Ulttyq Assambleıanyń Tóraǵasy «Qazaqstan-2050» strategııasynda belgilengen maqsattardy qoldaıtynyn jetkizip, Qazaqstanǵa jer aýdarylǵan etnıkalyq koreılerge kórsetilgen kómek úshin qazaq halqyna alǵys aıtty.
B.Beknazarov ekijaqty qatynastardy nyǵaıtýdyń keleshegin talqylaı kelip, Qazaqstan Koreı túbegindegi jaǵdaıdy únqatysý jáne kelissózder arqyly sheshýdi dáıekti túrde jaqtaıtynyn atap ótti.
Senat Tóraǵasynyń orynbasary «EKSPO-2017» halyqaralyq mamandandyrylǵan kórmesine belsendi túrde qatysqany úshin Koreıaǵa alǵys aıtty. Ol koreı bıznesiniń bizdiń elimizde ǵylymı turǵyda qamtylǵan, joǵary tehnologııalyq óndiristi damytý jónindegi jobalardy iske asyrýǵa belsendi qatysýyna Qazaqstan múddeli ekenin atap ótti.
Kezdesýge Májilis Tóraǵasynyń orynbasary Vladımır Bojko, senatorlar Georgıı Kım, Edil Mamytbekov jáne Nurjan Nursıpatov qatysty.