Álemge tanymal aǵylshyn fızık-teoretıgi Stıven Hokıng 76 jasynda qaıtys boldy, dep habarlaıdy VVS.
Ǵalymnyń qaıtys bolǵany týraly aqparatty týystary rastady.
Hokıng - fızık-teoretık jáne kosmolog. Kembrıdjdegi Teoretıkalyq Kosmologııa ortalyǵynyń negizin qalaǵan ǵalym. Ol 1942 jyl 8 qańtarda dúnıege kelgen.
1962 jyly Oksford ýnıversıtetin bitirip, 1966 jyly Kembrıdj ÝnıversıtetinińTrınıtı Hol kolledjinde Ph.D dárejesin alady.
1965 jyldan bastap Kembrıdj Ýnıversıtetinde jumys istedi.
1968—1972 jyldary Teoretıkalyq astronomııa Instıtýtynda, 1972—1973 jyldary Astronomııa Instıtýtynda, 1973—1975 Qoldanbaly matematıka jáne Teoretıkalyq fızıka kafedrasynda jumys istedi, 1975—1977 jyldary Gravıtasııa teorııasynan sabaq berdi. 1979 jyldan beri matematıka professory.
1974—1975 Kalıfornııa tehnologııalyq ınstıtýtynda stependıat bolǵan. 1960 jyldardyń basynda Hokıng amıotrofıkalyq sklerozdyń alǵashqy belgilerin bere bastaıdy, keıin sal aýrýyna shaldyǵady.
1974 jyly Hokıng Kembrıdjde professor boldy. Bul qyzmette ol 2009 jylǵa deıin otyrdy.