«Astana Operada» О́zbekstannyń Qazaqstandaǵy jyly ashyldy

Ortalyq Azııadaı alyp yrdýannyń eki tártesi – Qa­zaq­stan men О́zbekstannyń bul baýyrlastyǵy qos mem­lekettiń tarıhı jadysyn qaıta bir jańǵyrtyp, bola­shaqqa baıypty baǵyt alǵan­dyǵyn bildirdi. Eki elge ortaq mereke, ulystyń uly kúni qarsańyndaǵy saltanat­ty sharaǵa Qazaqstan, О́zbek­stan, Tájikstan men Qyrǵyz Respýblıkasynyń basshylary qatysty. 

Memleket basshysy Nur­sultan Nazarbaev eki el­­diń arasyndaǵy baýyr­­lastyq ári dostyq qarym-qa­tynastardy erek­she atap ótti. «Qazaqstandaǵy О́zbek­­stan jyly eki xalyq­tyń arasyndaǵy baýyr­las­tyqtyń aıqyn kórinisi bolsa kerek. Bizde ortaq dúnıe­tanym, ortaq kózqaras, ortaq mádenıet, ortaq din men ortaq salt-dástúr bar. Al til men dástúr qashan­da xalyqtardyń ózara jaqyn­d­asýyna negiz bolǵan. Búgin baýyrlas eldiń úzdik óner ujym­dary Astanaǵa ózbek má­denıetiniń naǵyz jaýhar­laryn kórsetedi», dedi N.Nazarbaev. Prezıdent eki eldiń arasyndaǵy saýda-sattyq pen ekonomıkalyq baılanystardyń sátti damyp jatqanyn jetkizdi. О́z sózinde Elbasy ótken jyldyń birqatar mańyzdy máseleleri men keleli kelisimderi jaıyna da toqtaldy. Sonyń biri, ózimiz keshe kýá bolǵandaı, aǵymdaǵy jyldyń Qazaq­stan­daǵy О́zbekstan jyly dep jarııalanǵandyǵy boldy. Sáı­kesinshe, kelesi jyly О́zbek­standa Qazaqstan jyly ótetin bolady. Ony Mem­leket basshysy N.Nazar­baev «Atalǵan eki úlken basta­manyń arqasynda elder ara­syndaǵy baılanystar rýxanı jaǵynan baıyp, kúsheıe tú­sedi. Mádenıet, bilim men ǵylym salasyndaǵy ynty­maqtastyq nyǵaıady dep se­ne­miz», dep atap ótti. Osy­dan keıin Memleket basshysy О́zbekstan Pre­zıdenti Shavkat Mır­zııoev­ti I dárejeli «Dostyq» or­denimen marapattady. О́z kezeginde kórshi eldiń basshysy rıza­shy­lyǵyn bildirdi. «Búgin men eń baqytty adammyn. Sebebi osyndaı úlken marapatty Nursultan Nazarbaevtyń qolynan alyp otyrmyn. Bul – men úshin úlken abyroı ári sheksiz baqyt. Bul orden – eki eldiń ordeni, bul orden – úlken dostyqtyń kórinisi. Marapat jasap otyrǵanyńyzǵa sheksiz alǵy­­symdy aıtamyn», dedi Sh.Mır­­zııoev. Kórshi eldiń Pre­­zıdenti óz sózinde bir ata­nyń balasyndaı bolyp otyr­ǵan eki eldiń berik baýyr­lastyǵyn taǵy bir eske saldy. «Bizdi burynǵydan da beter jaqyndastyra túsken qazaq halqynyń ǵasyrlardan ǵasyr­larǵa jalǵasyp kele jat­qan meımandos, qonaqjaı kóńiliniń arqasy. Sonyń nátı­jesinde búgin biz Asta­nany óz úıimizdeı sezinip tur­myz. Bul rette Nursultan Ábish­uly Nazarbaevqa rıza­shylyq bildiremiz. Qazaqstan Prezıdentiniń byltyr kóter­gen berekeli bastamasyna búkil ózbek halqy dán rıza. Bizdi shekaralyq jaqyn­dyqtan bólek rýhanı ortaq tulǵalar, atap aıtqanda, Ábý Raıhan ál Bırýnı, Ábý Na­syr ál-Farabı, Qoja Ahmet Iаsaýı, Bahoroddın Na­qyshban, Álisher Naýaı men Abaı Qunanbaıuly, Aıbek pen Muhtar Áýezov syndy uly tulǵalar biriktiredi. Biz mindetti túrde bul rýhanı baılyqtarymyzdy saq­taýymyz jáne kóptep nasıhattaýymyz qajet», dedi ol. 

Sońǵy ýaqyttaǵy qos mem­le­kettiń saıası erkindigi men eki­jaqty nyq qadamy berik dos­tyq­tyń myzǵymas munarasyn­daı bolyp qalanyp kele jat­qany aıqyn. Bul baýyrlastyq basqa jurtqa úreı demeıik, úlgi ekeni anyq. Ony Elbasy­myz­dyń «Ortalyq Azııa elderi basshy­larynyń baılanysy jandana tústi. Sondaı-aq Ortalyq Azııa memleketteriniń basshylary Naýryz merekesine oraı birles­ken málimdeme jasady. Keńestiń kelesi kezdesýi Tashkentte óte­di», degen sózderinen de anyq ańǵa­rýǵa bolady.

Biz buǵan deıin de ózbek hal­qynyń Prezıdenti Shavkat Mır­zııoev myrzanyń uly aqy­nymyz Abaı murasyn nasıhat­taý bo­ıynsha arnaıy qaýly qabyl­daǵanyn jazǵan bolatynbyz. Onymen qosa óz sózinde Sh.Mır­zııoev eki eldiń tatýlyǵyn tilge tıek etip, Tash­kent qala­syndaǵy Tóle bıdiń kesenesin de eske aldy. «Biz Tóle bı kese­ne­siniń Tashkent qalasynda turǵy­zyl­ǵanyn maq­tan tutamyz. Ol jer­ge ózbekter de, baýyrlas qazaq­tar da baryp, táý etedi. Áli esimde, Siz, qurmetti Nursultan Ábish­uly, О́zbekstanǵa memlekettik sapar­men kelgende biz birge sol qa­sıetti jerge baryp, eki eldiń xalqyn tatýlyq men beıbitshilikte ómir súrýge únde­gen uly tulǵany eske aldyq. Ata-babalarymyz bizdiń qazir­gi dostyǵymyzdy, shynaıy ári ashyq baılanystarymyz­dy kórgende qýanatyn edi. Bárimizge – qazaqtarǵa, qyrǵyzdarǵa, túrikmenderge, tájikter men ózbekterge, jalpy, Ortalyq Azııada turatyn ult pen ulystarǵa tatýlyqta ómir súrýdi jazǵan eken. Bul – taǵ­dyr­dyń ja­zýy. Soǵan bar kúsh-jige­ri­miz­di salyp, ortaq úıimizdi qor­ǵaýy­­myz qajet», dedi Sh.Mır­zııoev.

Tarıhı rásim tamashasynan keıin saltanatty kesh merekelik konsertke ulasty. Onda О́zbek­stan men Qazaqstannyń halyq ártisteri Farrýh Zakırov jáne О́z­bekstannyń eńbek sińirgen ansam­bli «Iаlla» bastaǵan halyq ártisteri Normýmın Sýl­­to­nov, Samandar Alımov, Seva­­ra Nazorhon syndy sahna sańlaq­tary óner kórsetti. 

Mıras ASAN, «Egemen Qazaqstan»