«Nur Otan» partııasy Tóraǵasynyń birinshi orynbasary Máýlen Áshimbaev «Prezıdenttiń bes áleýmettik bastamasyn» keńinen túsindirip, talqylaý maqsatynda arnaıy saparmen Qaraǵandy oblysyna keldi.
Aldymen Máýlen Áshimbaev oblys ákimi Erlan Qoshanovpen birge atalǵan Metallýrgııa kombınatyna bardy.
«Nur Otan» partııasy Tóraǵasynyń birinshi orynbasary óziniń osy qyzmetke kelgeli oblystarǵa jasaǵan sapary dál Qaraǵandydan bastalǵanyna nazar aýdaryp, onyń óz máni bar ekenin aıtty.
– Qaraǵandy el ekonomıkasynda alar orny erekshe iri óndiristik óńirlerdiń biri. Bul jaqta el ekonomıkasyna qomaqty qarjy quıyp otyrǵan iri ınvestorlar jumys isteıdi. Al Qazaqstan Magnıtkasy sanalatyn Temirtaýda Elbasymyzdyń eńbek joly bastalǵany barshaǵa málim. Sondyqtan bul sapardyń mańyzy joǵary dep esepteımin, – dedi M.Áshimbaev.
Sonymen qatar M.Áshimbaev oblystaǵy taǵy bir jetekshi óndiris orny«Maker» Qaraǵandy quıý-mashına jasaý zaýytynda boldy.
Atalǵan kásiporyndardyń eńbek ujymdarymen kezdesken «Nur Otan» partııasy Tóraǵasynyń birinshi orynbasary «Prezıdenttiń bes áleýmettik bastamasynyń» mańyzyna erekshe toqtaldy.
– Bul bastamalardyń mańyzy halyq úshin óte joǵary. Ony júzege asyrýǵa «Nur Otan» partııasy belsene qatysatyn bolady. Bul jumystarǵa barlyq nurotandyqtar jáne osyndaı iri kásiporyndardaǵy bastaýysh partııa uıymdary da belsendi qatysýy tıis, – dedi M.Áshimbaev.
О́ńirde ındýstrııalyq-ónerkásiptik keshenderdi qarqyndy damytýmen qatar, olarǵa bilikti maman daıarlaý isine de erekshe kóńil bólinýde. Elbasynyń dýaldy bilim berý bastamasyn jemisti júzege asyryp otyrǵan sondaı oqý oryndarynyń biri – Temirtaý joǵary polıtehnıkalyq kolledji.
Oqý ornyna arnaıy kelgen M.Áshimbaev kolledjdiń professor-oqytýshylar quramymen jáne «Serpin-2050» baǵdarlamasy boıynsha bilim alyp jatqan stýdent jastarmen kezdesti. Búginde munda atalǵan baǵdarlamamen elimizdiń Ońtústik óńirlerinen kelgen kóptegen jas bilim alýda. Olar oqý bitirgennen keıin jergilikti ónerkásip oryndaryna jumysqa turýdy kózdep otyr. Al búginde Qaraǵandy oblysynda bilikti mamandarǵa, sonyń ishinde texnıkalyq mamandyqtarǵa degen suranys erekshe joǵary. Osy máselege nazar aýdarǵan partııa Tóraǵasynyń birinshi orynbasary ońtústikten kelgen jastardyń ortalyq óńirde qalýynyń ıgi áseri mol ekenin aıtty.
Kolledj stýdentteri Elbasy bastamalarynyń arqasynda kóptegen ózekti máselelerdiń sheshim tapqanyna erekshe qýanyshtaryn bildirdi. Memleket basshysynyń «Sıfrly Qazaqstan» baǵdarlamasy da elimizdegi eń mańyzdy bastamalardyń biri ekeni sózsiz. Osy baǵytta oblysta aıtarlyqtaı jumystar atqarylýda. Bir ǵana densaýlyq saqtaý isine aqparattyq tehnologııany engizý boıynsha keshendi jumystar qolǵa alynǵan. Munyń jarqyn mysaly retinde Qaraǵandy qalalyq №3 emhanadaǵy ıgi isterdi aıtýǵa bolady.
M.Áshimbaev emhana ujymymen kezdesip, Elbasynyń bes áleýmettik bastamasynda medısına qyzmetkerlerine de erekshe qoldaý kórsetilgenin aıtty. Iаǵnı baspana alý máselesiniń jańa múmkindikteri men salyq júktemesiniń tómendeýi osyndaı áleýmettik sala mamandaryna tikeleı qatysty ekeni belgili.
Prezıdenttiń taǵy bir mańyzdy bastamasy – shaǵyn nesıe berýdi kóbeıtý. Bul jappaı kásipkerliktiń damýyna aıtarlyqtaı oń áserin tıgizetin ıgi bastama. Osyǵan oraı M.Áshimbaev Qaraǵandy qalasyndaǵy kásipkerlerge qyzmet kórsetý ortalyǵynda bolyp, onyń qyzmetkerlerimen jáne jergilikti kásipkerlermen kezdesti. Kezdesý barysynda kásipkerlikti damytýdyń jańa múmkindikteri týraly sóz boldy. M.Áshimbaev bıznesti qoldaýǵa baǵyttalǵan partııalyq joba jaıynda da aıtyp ótti.
Oblysqa sapary aıasynda partııa Tóraǵasynyń birinshi orynbasary birqatar qurylys nysandaryn da aralady.
Sondaı-aq partııa Tóraǵasynyń birinshi orynbasary Temirtaý qalasyndaǵy Tuńǵysh Prezıdenttiń tarıhı-mádenı ortalyǵynda bolyp, Elbasymen birge jumys istegen áriptesterimen, qanattas serikterimen jáne kýrstastarymen kezdesti.
Sapar sońynda M.Áshimbaev partııanyń Qaraǵandy oblystyq aktıvimen kezdesip, «Prezıdenttiń bes áleýmettik bastamasyn» halyqqa túsindirý jáne ony júzege asyrý jóninde birqatar naqty tapsyrmalar berdi.
Qaırat ÁBILDA, «Egemen Qazaqstan»
Qaraǵandy oblysy